Théodore Géricault

Théodore Géricault
Théodore Géricault
Gebuertsnumm	Jean-Louis André Théodore Géricault
Gebuer	26. September 1791; Rouen
Gestuerwen	26. Januar 1824; Paräis
Nationalitéit	Frankräich
Educatioun	Lycée Louis-le-Grand,; École nationale supérieure des beaux-arts,; Collège Stanislas
Aktivitéit	Moler, Graphiker, Sculpteur, Lithograph, Bauzeechner, Zeechner, visuelle Kënschtler

Den Théodore Géricault, gebuer de 26. September 1791 zu Rouen, a gestuerwen de 26. Januar 1824 zu Paräis, war e franséische Moler a Sculpteur.

De Géricault mécht seng Léier an den Ateliere vum Pierre Guérin a vum Carle Vernet. Do léiert hien deem säi Jong, den Horace Vernet, kennen. De 5. Februar 1811 geet en op d'École des Beaux-Arts zu Paräis. No engem Echec beim Concours vum Grousse Präis vu Roum decidéiert en an Italien ze reese well hie staark vun de Renaissance–Molere beandrockt war, besonnesch vum Michelangelo, mä awer och vum Flammänner Rubens.

Am Ufank vu senger Carrière ënnerscheet hie sech vun den neoklassesche Moler aus der Schoul vum David. E moolt haaptsächlech Theemen aus dem Alldag. Als ee Spezialist fir d'mënschlecht Leiden duerzestellen gëtt hie séier een Haaptmoler vum Romantissem.

De Géricault ass zu Paräis um Kierfecht Père-Lachaise begruewen. Säi Graf, op deem hien a Bronz duergestallt ass, ass e Wierk vom Sculpteur Antoine Étex.