Veronica Lake

Vu Wikipedia
Wiesselen op: Navigatioun, sichen
D'Veronica Lake, ëm 1952.

D'Veronica Lake, gebuer de 14. November 1922 als Constance Frances Marie Ockelman zu Brooklyn am Staat New York, a gestuerwen de 7. Juli 1973 zu Burlington am Vermont, war eng US-amerikanesch Hollywood-Schauspillerin.

No e puer Rollen am Theater ass si ufanks vun den 1930er Jore bei de Film gaangen an huet e puer Niewerolle bei Paramount gespillt. 1941 hat si mat I Wanted Wings hiren Duerchbroch. Besonnesch hir Coiffure déi se do hat gouf duerno vu Millioune Frae kopéiert, an de Studio huet deen Image zu hirem Markenzeeche gemaach. E weider grousse Succès dat Joer war This Gun for Hire mam Alan Ladd, mat deem se zesummen nach e puer aner Filmer gedréint huet. Och vun 1941 ass Sullivan's Travels vum Preston Sturges, wou si mam Joel McCrea d'Haaptroll hat. Dat Joer drop war si mam Fredric March am René Clair sengem Kaméidisfilm I Married a Witch an der Titelroll ze gesinn. 1943 hat si en Optrëtt an der Propagandarevue Star Spangled Rhythm an och hir bescht Roll am Krichsfilm So Proudly We Hail!, wou s'eng Infirmière spillt, déi vun de Japaner gefaange geholl gouf.

No 1944 ass der Veronica Lakes hir Carrière séier op en Enn gaangen. Si war extrem onbeléift bei hire Kolleegen a war zanter den 1940er Joren eng staark Alkoholikerin. An den 1950er huet se nach an där enger oder anerer Tëleesserie matgespillt, an huet nach eng Kéier 1966 an 1970 zwéi Filmer gedréint, déi awer weider kee Succès haten.

Filmographie[änneren | Quelltext änneren]

  • 1939: Sorority House
  • 1939: The Wrong Room
  • 1939: Dancing Co-Ed
  • 1939: All Women Have Secrets
  • 1940: Young as You Feel
  • 1940: Forty Little Mothers
  • 1941: I Wanted Wings
  • 1941:Hold Back the Dawn
  • 1941: Sullavan's Travels
  • 1942: This Gun for Hire
  • 1942: The Glass Key
  • 1942: I Married a Witch
  • 1942: Star Spangled Rhythm
  • 1943: So Proudly We Hail!
  • 1944: The Hour Before the Dawn
  • 1945: Bring on the Girls
  • 1945: Out of This World
  • 1945: Hold That Blond)
  • 1946: Miss Susie Slagle's
  • 1946:The Blue Dahlia
  • 1947: (Variety Girl
  • 1947: Ramrod
  • 1948: Saigon
  • 1948: The Sainted Sisters
  • 1948: Isn't It Romantic?
  • 1949: Slattery's Hurricane
  • 1951: Stronghold
  • 1966: Footsteps in the Snow
  • 1970: Flesh Feast

Literatur[änneren | Quelltext änneren]

  • Veronika Lake, Donald Bain: Veronica – The Autobiography of Veronica Lake. Bantam Books, 1972.
  • Jeff Lenburg: Peekaboo – The Story of Veronica Lake. Universe, 2001, ISBN 0-595-19239-4.
  • Brenda J Mills: Veronica Lake: A Photo Gallery: The Peekaboo Blonde. CreateSpace, 2008, ISBN 1-4404-0969-2.

Um Spaweck[änneren | Quelltext änneren]

Commons: Veronica Lake – Biller, Videoen oder Audiodateien