Wässeg
De Wässeg ass déi wässereg, gréngelzeg-gielzeg Flëssegkeet, déi bei der Fabrikatioun vu Kéis entsteet.
94 % vum Wässeg si Waasser, 4 bis 5 % si Mëllechzocker. De Rescht verdeelt sech op:
- Mëllechsaier
- Vitaminn B1
- Vitaminn B2, vun deem en déi gréngelzeg Faarf huet
- Vitaminn B6
- Kalzium
- Phosphor
- Kalium
- 0,6 bis 1 % Wässegprotein
Dee spezielle Goût vum Rivella, engem Schwäizer liicht spruddelegen Erfrëschungsgedrénks, kënnt vun de 35 % Wässeg, déi dra sinn.
Dee gréissten Deel vum Wässeg gëtt hautdesdaags an der Schwéngsziichtereie verschafft.