Willibrordus-Bauveräin
| Willibrordus-Bauveräin | |
|---|---|
| Rechtsform | Association sans but lucratif |
| Grënnungsdatum | 25. Dezember 1861 |
| Sëtz | Iechternach |
| RCS | F55 |
 | |
.jpg)
De Willibrordus-Bauveräin (fr: L'Œuvre Saint-Willibrord) gouf de 25. Dezember 1861 vun Iechternacher Bierger gegrënnt, mam Zil, Suen ze sammele fir d'Iechternacher Basilika, déi deemools just nach eng Ruin war, nees opzeriichten.
Duerch Donen, Kollekten a Manifestatiounen, déi en organiséiert huet, si genuch Fongen zesummekomm, fir den Architekt Antoine Hartmann domat ze chargéieren, d'Basilika nees zu enger Kierch ze maachen.
No hirer Zerstéierung am Zweete Weltkrich, gouf d'Basilika duerch de Lëtzebuerger Staat alt erëm nei opgeriicht. De Willibrordus-Bauveräin huet am ganze Land eng Souscriptioun gemaach, fir d'Ariichtung vun der Basilika z'erméiglechen.
Well d'Basilika hautdesdaags en Nationalmonument ass, iwwerhëlt de Staat hiren Ënnerhalt. De Willibrordus-Bauveräin ass haut eng A.s.b.l., där hir Aufgaben et sinn, d'Sprangpressessioun z'organiséieren an de Willibrord-Kult ze propagéieren.
De Bauveräi publizéiert d'Zäitschrëft Feliciter.
Literatur
[änneren | Quelltext änneren]- Spang, Paul (1988): Die Echternacher und ihre Basilika. Luxemburg, Sankt-Paulus Druckerei, 167 p. ISBN 2-87963-013-4