Adalbert Krüger

Vu Wikipedia
Wiesselen op: Navigatioun, sichen
Den Adalbert Krueger

Den Adalbert Carl Nikolaus Krüger, gebuer den 9. Dezember 1832 zu Marienburg a gestuerwen den 21. Abrëll 1896 zu Kiel war en däitschen Astronom.

Liewen[änneren | Quelltext änneren]

De Krüger studéiert zu Berlin, wou hie Member vum Corps Marchia war. Seng wëssenschaftlech Lafbunn huet hien als Assistent an Observateur am Observatoire zu Bonn am Joer 1853 ugefaangen, wou hie mam Argelander déi Bonner Duerchmusterung vum Stärenhimmel ausgeschaft huet. Hie krut duerno eng Professur fir Astronomie. Ee vu senge Studente war säi spéideren Edem Heinrich Kreutz.

1862 gouf hien an den Observatoire vun Helsingfors beruff, deen hien dann bis 1876 grleet huet. Weider bedeelegt hie sech 1869 un der Zonenaarbecht vun der Astronomescher Gesellschaft, der Vermiessung vun alle Stären a bestëmmten Himmelsberäicher. De Krüger huet d'Zonenobservatioune tëscht dem 55. a 65. Grad nërdlecher Deklinatioun iwwerholl. Dozou huet hien en achtfoussegt Reichenbachsches Passageninstrument agesat.

1876 gouf hie Nofolger vum Peter Andreas Hansen (gestuerwen 1874) um Observatoire Gotha. Hien huet säin , bis elo benotzten Instrument, matbréngen an an dem relativ neien Observatoire abauen. Vu 1877 bis 1878 gouf hie vu sengem Assistent Andreas Severin Donner ënnerstëtzt, deen uschléissend vum Leo de Ball ofgeléist gouf. Am Observatoire Gotha gouf intensiv observéiert an d'Resultater spéider als Catalog von 14 480 Sternen zwischen 54° 55' und 65° 10' nördlicher Declination an an de béide Bänn Zonenbeobachtungen der Sterne zwischen 55 und 65 Grad nördlicher Declination angestellt an den Sternwarten zu Helsingfors und Gotha. Helsingfors 1883 und 1885 publizéiert.

De Krüger gouf 1879 zum President vun der astronomescher Gesellschaft gewielt. 1880 gouf hie zum Member vun der Royal Astronomical Society zu London gewielt.

1880 huet de Krüger Gotha verlooss, well hie mat sengem Akommens net auskoum. Hie gouf dann Professer fir Astronomie un der Universitéit Kiel an Direkter vum Observatoire Kiel. Hei huet hien d'Publikatioun vun den Astronomesch Noriichten, eng Fachzäitschrëft fir d'Astronomie, fortgesat.

Kuckt och[änneren | Quelltext änneren]

Saturn 01.svg Portal Astronomie