Belsch Euromënzen

Vu Wikipedia
Wiesselen op: Navigatioun, sichen

Déi national Säite vun de belschen Euromënzen:

Éischt Serie (1999-2007)[änneren | Quelltext änneren]

All aacht Mënzen hunn dee selwechte Sujet: De Kinnek Albert II. a säi kinnekleche Monogramm, ronderëm sinn déi 12 Stäre vun der EU an d'Joer, wou se geklappt goufen. Den Design ass vum Jan Alfons Keustermans.

Zweet Serie (vun 2008 un)[änneren | Quelltext änneren]

Déi Serie, déi vun 2008 un erauskënnt, ënnerscheet sech just an Detailer vun där éischter: De Portrait vum Kinnek Albert ass liicht adaptéiert ginn, nei sinn d'Buschtawe "BE" (fir d'Land) riets dovun, an och Monogramm an d'Joreszuel sinn elo am banenzegsten Deel vun der Mënz.

2-Euro-Gedenkmënzen[änneren | Quelltext änneren]

2005[änneren | Quelltext änneren]

De 25. Mee 2005 koum an enger Oplo vu 6 Mio. Stéck déi éischt 2-Euro-Gedenkmënz erausginn. Dorop ze gesinn sinn den Albert II. an de Grand-Duc Henri fir un d'Belsch-lëtzebuergesch Wirtschaftsunioun z'erënneren.

2006[änneren | Quelltext änneren]

Fir d'Enn vun der Renovatioun vum Atomium ze zelebréieren, ass am Abrëll 2006, an enger Oplo vu 5 Mio. Exemplairen eng Extramënz erauskomm.

2007[änneren | Quelltext änneren]

Wéi déi aner Memberstaate vun der Eurozon och, huet d'Belsch eng Mënze zum 50. Anniversaire vun de Réimeschen Traitéen, de 25. März 2007, erausginn. D'Iwwerschrëft ass op Latäin: PACTVM ROMANVM QVINQVAGENARIVM, Den Numm vum Land ass an allen 3 offizielle Sprooche vun der Belsch, nämlech op Däitsch, Franséisch an Hollännesch.

2008[änneren | Quelltext änneren]

Wéi 3 aner Länner och gedenkt d'Belsch dem 60. Joresdag vun der Universal-Deklaratioun vun de Mënscherechter.

2009[änneren | Quelltext änneren]

D'Belsch gëtt 2 Gedenkmënzen eraus: Mat deenen anere 15 Eurolänner eng fir den 10. Anniversaire vun der europäescher Wirtschafts- a Währungsunioun, an eng zum 200. Gebuertsdag vum Louis Braille.

2010[änneren | Quelltext änneren]

2010 huet d'Belsch am 2. Semester d'Presidence vum Conseil vun der Europäescher Unioun, dat dann och de Sujet vun der Gedenkmënz vun deem Joer ass.


Flag of Europe.svg Portal EU – All d'Artikelen op der Wikipedia iwwer d'Europäesch Unioun.
Commons: Euro coins (Belgium) – Biller, Videoen oder Audiodateien