Bicherbus

Vu Wikipedia
Wiesselen op: Navigatioun, sichen

E Bicherbus ass eng mobil Bibliothéik, déi an engem speziell ëmgebaute Camion installéiert ass, an no engem bestëmmten, am viraus festgeluegten Horaire eenzel Uertschaften ofdeckt, déi selwer keng Bibliothéik hunn.

Bicherbus zu Lëtzebuerg[änneren | Quelltext änneren]

Zu Lëtzebuerg gëtt et zwéi Bicherbussen, déi dem Kulturministère ënnerstinn. Si fuere 16 Tournéeën, an engem Rhythmus vun ongeféier zwou Wochen, an decken sou 106 Uertschaften am Land of.

Geschicht[änneren | Quelltext änneren]

Deen éischte Bicherbus ass zu Lëtzebuerg 1982 agefouert ginn, nodeem en Test mat engem belsche Bicherbus, tëscht 1978 an 1980, positiv verlaf war. 1989 ass en zweete Bus bäikomm. 1994 gouf d'Zentral vun de Bicherbussen zu Dikrech ageriicht. 2000 sinn déi 2 Bussen ausgefall an hu missen duerch zwou Semi-remorquën ersat ginn.

D'Bicherbussen haut[änneren | Quelltext änneren]

Déi 2 Bicherbussen hunn e Fong vu 70.000 Titelen, wouvun en Deel fir Kanner a Jugendlecher sinn. D'Ausléinen ass gratis.

2004 sinn 104.563 Mol Bicher ausgeléint ginn. 2008 waren et der just nach 86.727. Déi grouss Majoritéit vun den ageschriwwene Lieser (15.543) si Kanner a Jugendlecher (iwwer 12.000). Eppes manner wéi d'Hallschent vun den ageschriwwene Lieser ginn zu den "aktive" Lieser gezielt (6.949).[1]

Intressantes[änneren | Quelltext änneren]

Zu Ell fiert de Bicherbus schonn zanter bal engem Joerhonnert.[2]

Um Spaweck[änneren | Quelltext änneren]

Referenzen[änneren | Quelltext änneren]

  1. Zuele fir 2008: Rapport d'activité 2008 vum Kultur- a Fuerschungsministère, S.29. Aus dem Rapport geet ervir, datt 2008 zäitweileg nëmmen ee Bus am Asaz war, wat mat e Grond fir de Réckgang vun den Ausléinzuele kéint sinn.
  2. "Seit einem knappen Jahrhundert rollt der 'Bicherbus' als mobile Bibliothek durch Luxemburg."