Runn

Vu Wikipedia
Wiesselen op: Navigatioun, sichen
Runn
Runn (Vespa crabro)
Runn (Vespa crabro)
Systematik
Räich: Déiereräich
Stamm: Arthropoden
Klass: Insekten
Ënnerklass Fluchinsekten
Uerdnung: Hymenoptera
Ënneruerdnung: Taillenharespelen
Famill: Vespidae
Ënnerfamill: Harespelen
Gattung: Runnen
Aart: Runn
Wëssenschaftlechen Numm
Vespa crabro
L.“. 1758

D'Runn, Vespa crabro L., ass déi gréisst Harespel, déi a Mëtteleuropa lieft.

Den Numm[änneren | Quelltext änneren]

Op Lëtzebuergesch huet d'Runn a ganze Katalog vun Nimm: Droun, Dusch, déck Vesper (am Norde vum Land), gëfteg Vesper, déck Harespel, Hesper, Huesch (Veianen), Hujel, Humm, Kinnek, Päerdsharespel, Rosch, Rumm, Runsch, Runnert, rose Bei.

D'Kierperlängt vun der Kinnigin ass bis 35 mm, déi vun den Aarbechtsrunnen 16 bis 25 mm an déi vun de männleche Runnen 20 bis 28 mm. D'Runne liewen a Staaten, déi ee Joer halen.

Liewensweis[änneren | Quelltext änneren]

D'Runne bauen hir Näschter op Späicheren, ënner Diecher oder a Bamhielen. Dës bestinn aus alem Holz dat zerknat a mam Spaut gebonne gëtt.

Am Fréijoer formt d'Kinnigin e Still, si mécht den Ufank. Duerno hänkt si Woben dru fir déi éischt Eeër ze leeën. An all eenzel Wob gëtt en Ee geluecht.

D'Larve brauchen dann zwou Woche bis se gewuess sinn. Da verpuppt d'Larv sech. No weideren zwou Wochen ass d'Runn aus der Larv eraus. Déi éischt Aarbechtsrunne bauen da weider Woben. Sou geet et dann no an no weider bis d'Nascht ëmmer méi fest a méi grouss gëtt. Am spéide Summer ass d'Nascht da fäerdeg a kuerz drop stierft d'Vollek. Iwwereg bleiwe just déi jonk Kinniginnen.

Runn, déi eng Bei gefaangen huet

Um Spaweck[änneren | Quelltext änneren]

Commons: Runnen – Biller, Videoen oder Audiodateien