Haus vun der Natur

D'Haus vun der Natur (Juni 2007)

D'Haus vun der Natur (Juni 2007)

D'Haus vun der Natur, de fréiere Kräizhaff, ass e Gebai op der Kockelscheier (um Terrain vun der Gemeng Réiser) dat d'Gemeng Lëtzebuerg der A.s.b.l. "D'Haus vun der Natur" 1994 zur Verfügung gestallt huet fir do deen éischten Naturschutzzenter vu Lëtzebuerg anzeriichten.

Historique

Den 29. September 1986 ass d' A.s.b.l. "D'Haus vun der Natur" vun aacht Organisatioune gegrënnt gi fir op dës Manéier hir Aarbechten am Beräich Naturschutz ze koordinéieren. Grënnungsmembere vun dëser Vereenegung waren:

• Lëtzebuerger Natur- a Vulleschutzliga, a.s.b.l.
• Fondatioun Hëllef fir d’Natur, établissement d’utilité publique
• Natura, a.s.b.l.
• Lëtzebuerger Natur- a Vulleschutzliga, a.s.b.l., Sektioun Lëtzebuerg-Stad
• Société des naturalistes luxembourgeois, a.s.b.l.
• Les Amis du Musée national d'histoire naturelle, a.s.b.l.
• A.A.T. – Garten- und Teichfreunde Luxemburgs, a.s.b.l.
• Jeunes et Patrimoine, a.s.b.l.

Déi läscht genannte Vereenegung gouf spéider opgeléist.
No 2000 hu folgend Organisatiounenn hiere Sëtz an d'Haus vun der Natur verluecht:

• Lëtzebuerger Naturfoto-Frënn, a.s.b.l.
• Vereenegung fir biologesche Landbau, Lëtzebuerg, a.s.b.l. (Biobaueren)
• Natur fir Kanner (Naturschoul vun der Gemeng Lëtzebuerg)

Um Spaweck

• Websäit vun der A.s.b.l. "D'Haus vun der Natur"
• Websäit vun der A.s.b.l. "Lëtzebuerger Natur- a Vulleschutzliga"
• Websäit vun der "Fondation Hëllef fir d'Natur"
• Websäit vun der "Société des naturalistes luxembourgois"
• "luxnatur.lu": Websäit wou och di aner Associatiounen aus dem Haus vun der Natur vertruede sinn