(469219) 2016 HO3

Vu Wikipedia
Op d'Navigatioun wiesselen Op d'Siche wiesselen
(469219) 2016 HO3
Asteroid-2016HO3-20160427.jpg
Eegenschafte vum Orbit
Orbittyp Apollo-Asteroid
Bezuchspositioun Equinoxe: J2000.0
Grouss Hallefachs 1,001229934908869 A.E.
Exzentrizitéit 0,1041429093141734
Sideresch Ëmlafzäit 365,9309688008125 Deeg
Inklinatioun 7,771395618758937 Grad
Physikalesch Eegenschaften
Duerchmiesser 40–100 m
Absolut Hellegkeet 24,183M
Entdeckung
Entdecker Pan-STARRS 1
Entdeckungsdatum 27. Abrëll 2016

Den (469219) 2016 HO3 ass en Asteroid. Hie gouf de 27. Abrëll 2016 mam buedemgebonnene Groussteleskop Pan-STARRS 1 (Panoramic Survey Telescope And Rapid Response System) am Nationalpark Haleakalā op Hawaii entdeckt. Hien ass dee wahrscheinlech stabilste Quasisatellit vun eiser Äerd. Et ass en Äerdbunnkräizer, a gëtt dofir (nom Asteroid (1862) Apollo) als Apollo-Asteroid klassifizéiert. E kreest op enger bal kreesfërmeger Ëmlafbunn, déi der Äerdbunn gläicht, ëm d'Sonn.

Ëmlafbunn[änneren | Quelltext änneren]

Den (469219) 2016 HO3 brauch 366 Deeg fir een Ëmlaf ronderëm d'Sonn, an der Moyenne ass en 1,0012 Astronomesch Eenheete vun der Sonn ewech, wat praktesch exakt der Distanz Äerd–Sonn entsprécht. Mat enger Exzentrizitéit vun e = 0,10 ass d'Bunn vum Asteriod méi elliptesch wéi den Äerdorbit a steet 7,77 Grad schréi zur Ekliptik.

Iwwer etlech Joerzéngten huet sech den Orbit vum Asteriod ëmmer mees liicht verännert a verréckelt sech vu Joer zu Joer eppes no hannen oder no vir. Déi maximal Distanz vum Asteriod zu der Äerdkugel ass 100-mol d'Distanz Äerd–Mound. Hie kënnt der Äerd ni méi no wéi dat 38-facht vun där Streck.

[änneren | Quelltext änneren]

Den Himmelskierper huet en Duerchmiesser vu 40 bis 100 Meter.

Bunnentwécklung[änneren | Quelltext änneren]

Prezis Berechnungen deiten drop hin, datt den 2016 HO3 zanter knappss engem Joerhonnert e stabille Quasisatellit vun der Äerd ass an et och fir déi nächst Joerhonnerte bleiwe wäert. Obschonns den 2016 HO3 sech ëmmer a relativer Äerdëmgéigend ophält, ass hie keen zweeten Äerdmound, well hie sech op enger eegener Ëmlafbunn ëm d'Sonn beweegt. Hien ass och net am Schwéierefeld vun der Äerd gefaangen.

Galerie[änneren | Quelltext änneren]

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]