Albertine Biermann

Albertine Biermann
Gebuer	6. Juni 1921 Lampertsbierg
Gestuerwen	3. Abrëll 2019 Lëtzebuerg
Nationalitéit	Lëtzebuerg
Aktivitéit	Lycéesprofesser, Botaniker
Member vun	Société des naturalistes luxembourgeois

D'Albertine (Tiny) Biermann, gebuer de 6. Juni 1921 an der Stad Lëtzebuerg, an do gestuerwen den 3. Abrëll 2019, war eng lëtzebuergesch Lycéesprofessorin a Botanikerin.

D'Albertine Biermann huet am Oktober 1950 den Doktorat an den Naturwëssenschaften zu Lëtzebuerg gemaach. Dono huet si hire Stage am Meedercheslycée an der Stad ugefaangen, wou si am Oktober 1954 hir Nominatioun als Professer krut. Si huet och an der Normalschoul enseignéiert. Vun 1960 u bis zu hirer Pensioun am Jor 1986 huet si an der Europaschoul vu Bréissel (Uccle) geschafft.

D'Albertine Biermann ass 1946 Member vun der Société des naturalistes luxembourgeois ginn. Si ass 1966 an d'Société royale de botanique de Belgique opgeholl ginn.

Si ass bekannt fir hir phytosoziologesch Etude iwwer d'Vegetatioun vun de Bëscher vun der Ënnersauer, eng vun den éischten Aarbechten an deem Genre zu Lëtzebuerg.

Publikatiounen

• Biermann, Albertine (1952): Les groupements forestiers de la Basse-Sûre. Dissertation scientifique, Luxembourg, (5 p.), 80 p., hors-texte: carte dépl., tabl. dépl. [Archives nationales de Luxembourg, cote IP-1957].
• Biermann, Albertine (1958): Les groupements forestiers de la Basse-Sûre. Bulletin de la Société des naturalistes luxembourgeois 61 (1956): 124-198, 11 figs., 2 cartes h.-t., 12 tab. phytosoc.
• Biermann, Albertine (1959): Groupements végétaux forestiers de la région d'Echternach, en fonction des variations du sol et de l'exposition. Excursion du 16 juin 1957, de Michelshof par la “Haardt” à Echternach; d'Echternach par “Wolfsschlucht”, “Aesbaach” et “Halsbaach” à Berdorf. Guide: Albertine Biermann. Bulletin de la Société des naturalistes luxembourgeois 62 (1957): 110-112.
• Reichling, Léopold (1953): Herborisations faites dans le Grand-Duché de Luxembourg en 1952. Notes réunies par L. Reichling. Contributions de M^elles C. Apel, A. Biermann, L. Konter, MM. J. Bausch, E. Beck, M. Etringer, R. Faber, E. Gillen, H. Hoffmann, J. Jacoby, F. Jungblut, M. Koedinger, Fr. L. Lefort, L. Reichling, G. Rischard, E. Schmit, H. Schmit, A. Steinmetzer, R. Stumper et N. Thill. Bulletin de la Société des naturalistes luxembourgeois 57 (1952): 155-182.
• Reichling, Léopold (1954): Herborisations faites dans le Grand-Duché de Luxembourg en 1953. Notes réunies et commentées par L. Reichling. Contributions de M^elle T. Biermann, MM. V. d'Ansembourg, E. Beck, J. Berchem, E. Blondelot, M. Coûteaux, J. Deitz, M. Etringer, E. Faber, L. Faber, R. Faber, E. Gillen, M. Heuertz, M. Hulten, F. Jungblut, M. Koedinger, A. Lawalrée, Fr. L. Lefort, L'Abbé Legrain, P. Merker, F. Nicolay, L. Reichling, G. Rischard, E. Schmit, H. Schmit, M. Schmitz, A. et V. Schoetter, A. Steinmetzer, H. Sterges, R. Stumper et N. Thill, de Waha et F. Weissen. Bulletin de la Société des naturalistes luxembourgeois 58 (1953): 76-134.

Literatur

• Massard, J.A., 2019. En mémoire de la professeure Albertine Biermann, auteur de l'une des premières publications phytosociologiques luxembourgeoises. Online post.