Alphonse Theis
Den Alphonse Theis, gebuer den 23. September 1930[1] zu Déifferdeng[2] a gestuerwen de 17. November 1999[3] zu Alzeng[2], war e lëtzebuergesche Politiker (CSV).
Bei de Chamberwale vum 17. Juni 1984 ass hien an d'Chamber 'nogerëtscht' a gouf bei deene vun 1989 erëmgewielt an hie war bis zu sengem Doud Deputéierten an der Chamber.[2]
1970 gouf hien an de Gemengerot vun Hesper gewielt an hie war vun 1976 bis zu sengem Doud Buergermeeschter vun der Gemeng Hesper[2]. Him zu Éieren gouf de Stadion vun der Foussballequipp Swift Hesper Stade Alphonse Theis genannt.
Vun 1994 bis zu sengem Doud, war den Alphonse Theis Membre suppléant am Europarot.