Chamberwale vum 18. Juni 1989

Vu Wikipedia
Op d'Navigatioun wiesselen Op d'Siche wiesselen

Bei de Chamberwale vum 18. Juni 1989 zu Lëtzebuerg goufe 60 Deputéiert fir e Mandat vu 5 Joer an d'nationaalt Parlament, d'Chamber, gewielt.

D'Zuel vun den Deputéierte war dat Joer virdru vu 64 op 60 erofgesat ginn. D'Regierungsparteie bis dohin, d'CSV an d'LSAP, hunn allen zwou 3 Sëtzer verluer, grad wéi déi gréisst Oppositiounspartei, d'DP. Och d'KPL huet missen ee Sëtz abéissen. Gewonnen hunn dofir deen nei gerënnten Aktoiunskomitee 5/6, dee gläich 4 Sëtzer krut, an déi Gréng, déi zesummen och 4 Sëtzer kruten, obwuel se sech virdrun an zwou Parteien, d'Gréng Lëscht Ekologesch Initiativ (GLEI) an d'Gréng Alternativ Partei (GAP).

Zwou weider ekologesch Parteien, d'Gréng Alternativ Allianz (GRAL) an d'Ekologisten fir den Norden, kruten dogéint kee Sëtz, grad esou wéineg wéi déi rietsextrem National-Bewegong, an aner Formatioune wéi Firwat net, Republikanesch Partei, d' Biergerpartei oder d'Lëscht fir de moderéierte Lëtzebuerger - Chrëschtlech Volleksdemokraten.

Als Folleg vun de Wale vum 18. Juni koum et séier zu der Formatioun vun enger neier CSV-LSAP-Regierung, der Regierung Santer-Poos II, déi schonns de 14. Juli 1989 vereedegt gouf.

Resultater[änneren | Quelltext änneren]

Resultater vun de Chamberwale vum 18. Juni 1989
Partei Sëtz Ënnerscheed zu virdrun[1]
  Chrëschtlech-Sozial Vollekspartei 22 -3
  Demokratesch Partei 11 -3
  Lëtzebuerger Sozialistesch Aarbechterpartei 18 -3
  Aktiounscomité 5/6 Pensioun fir jiddwereen 4 +4
  Kommunistesch Partei Lëtzebuerg 1 -1
  Gréng Alternativ Partei 2 0
  Gréng Lëscht Ekologesch Initiativ 2 +2
  Aner [2] 0 -

Gewielt Deputéiert[änneren | Quelltext änneren]

D'Chamber huet sech aus folgenden Deputéierten zesummegesat:[3]

*) Goufen direkt gewielt, ma hunn den 14. Juli 1989 op hiert Amt verzicht fir Member vun der Regierung ze ginn.
**) Goufen direkt gewielt, ma hu sech fir e Mandat am Europäesche Parlament decidéiert, fir dat se och kandidéiert haten.

Nogeréckelt

Um Spaweck[änneren | Quelltext änneren]

Referenzen an Notten[Quelltext änneren]

  1. D'Zuel vun de Sëtzer war bei dëser Wal vu virdru 64 op 60 erofgesat ginn.
  2. ë. a. Firwat net, Republikanesch Partei, die Bürgerpartei, Lëscht fir de moderéierte Lëtzebuerger - Chrëschtlech Volleksdemokraten
  3. "La composition de la Chambre des Députés depuis 1944." In: Compte-rendu des travaux de la Chambre des Députés du Grand-Duché de Luxembourg. Session ordinaire 2003-2004 (du 14 octobre 2003 au 5 juin 2004), édité par le Greffe de la Chambre des Députés, Luxembourg 2006, S.63.