Camille Dimmer
Ënne v.l.n.r. Bizzi Klein, Jean Klein, Camille Dimmer, Ady Schmit, Louis Pilot
De Camille Dimmer, gebuer den 20. Abrëll 1939 zu Klierf, ass e fréiere Foussballspiller, Politiker (CSV), Naturschützer an Ingenieur.
Hie war Grënnungsmember vu Pro Familia a vun der Stëftung Hëllef fir d'Natur, där hire President hie vun 1982 bis 1997 war.
De Sportler[änneren | Quelltext änneren]
Hien huet den 29. September 1957 säin éischte Match fir d'Lëtzebuergesch Foussballnationalekipp géint Éisträich gespillt.
1963 huet hien zu Rotterdam am Match Holland - Lëtzebuerg, deen 1-2 ausgaange war, 2 Goler geschoss. an doduerch Lëtzebuerg an d'Véierelsfinall vun der Europameeschterschaft bruecht.
Tëscht dem 29. September 1957 an dem 29. Januar 1967 huet hien an 19 Matcher 8 Goler fir d'Foussballnationalekipp geschoss.[1]
An der Saison 1959-1960 war hie Reservespiller beim R.S.C. Anderlecht.
Vun 1960 bis 1966 huet hie fir den R.F.C. Crossing Molenbeek gespillt.[2]
De Politiker[änneren | Quelltext änneren]
No senger Carrière als Sportler ass de Camille Dimmer an d'Politik gaangen. Hie war vum 10. Oktober 1989 bis den 18. Juli 1994 CSV-Deputéierten an der Chamber. Vun 1990 bis 1995 war hie Generalsekretär vun der CSV.
| Virgänger | Generalsekretär vun der CSV | Nofollger |
|---|---|---|
| Willy Bourg | 1990 - 1995 | Claude Wiseler |