Lucien Lux
| Lucien Lux | |
|---|---|
 | |
| Gebuer |
13. September 1956 Ëlwen |
| Nationalitéit | Lëtzebuerg |
| Aktivitéit | Politiker, Gewerkschaftler, Eisebunner |
| Partei | LSAP |
 | |
De Lucien Lux, gebuer den 13. September 1956 zu Ëlwen, ass e lëtzebuergeschen LSAP-Politiker. Hie gouf de 24. Dezember 2013 zum Member vum Staatsrot ernannt.
De Lucien Lux huet fir d'éischt op der Eisebunn geschafft, a gouf 1978 Gewerkschaftssekretär vum OGB-L.
Vun 1988 bis 2004 war de Lucien Lux Buergermeeschter vun der Gemeng Beetebuerg.
Hie gouf 2002 zum Generalsekretär vun der LSAP gewielt.
Vun 1989 bis 2004 war hien, an der LSAP-Fraktioun, Deputéierten an der Chamber. Tëscht 2004 an 2009 war de Lucien Lux Ëmweltminister an Transportminister an der Regierung Juncker-Asselborn I. No de Chamberwale vum 7. Juni 2009 war hien nees Deputéierten a Fraktiounschef vun der LSAP an der Chamber. Bei de Chamberwale vum 20. Oktober 2013 ass hien net méi erëmgewielt ginn.
De Lucien Lux ass bestuet a Papp vun 2 Kanner.
Gielercher[änneren | Quelltext änneren]
- Officier vum Ordre de la couronne de chêne (Promotioun 1999)[1]
- Commandeur vum Ordre de Mérite du Grand-Duché de Luxembourg (Promotioun 2004)[2]
Referenzen[Quelltext änneren]
- ↑ Memorial B n° 58 vun 1999 mat der Lëscht vun de Leit déi 1999 eng national Auszeechnung kritt hunn Op der Säit 1149 vun deem Memorial steet 'Promotion 1999' wärend op der Säit 1150 'Promotion 1998' steet. 1999 ass wuel richteg wëll de Memorial op den 1. Dezember 1999 datéiert ass.
- ↑ Compte rendu des séances publiques n° 17 session 2003-2004
- Gebuer 1956
- Lëtzebuergesch Gewerkschaftler
- Lëtzebuergesch Deputéiert
- Lëtzebuergesch Ministeren
- Lëtzebuergesch Buergermeeschteren
- Transportministere vu Lëtzebuerg
- Ëmweltministere vu Lëtzebuerg
- Membere vum Staatsrot zu Lëtzebuerg
- Officier de l'ordre de la couronne de chêne
- Commandeur de l'Ordre de Mérite du Grand-Duché de Luxembourg
- Buergermeeschtere vu Beetebuerg