Lucien Lux
| Lucien Lux | |
|---|---|
 | |
| Gebuer |
13. September 1956 Ëlwen |
| Nationalitéit | Lëtzebuerg |
| Aktivitéit | Politiker, Gewerkschaftler, Eisebunner |
| Partei | LSAP |
 | |
De Lucien Lux, gebuer den 13. September 1956 zu Ëlwen, ass e lëtzebuergeschen LSAP-Politiker a zënter 2013 Conseiller vum Staatsrot.
Karriär
[änneren | Quelltext änneren]De Lucien Lux huet fir d'éischt op der Eisebunn geschafft. Hie gouf 1974 Member vun der LSAP[1] an 1978 Gewerkschaftssekretär vum OGB-L.
Vun 1988 bis 2004 war de Lucien Lux Buergermeeschter vun der Gemeng Beetebuerg.
Hie gouf 2002 zum Generalsekretär vun der LSAP gewielt.
Vun 1989 bis 2004 war hien, an der LSAP-Fraktioun, als Deputéierten aus dem Südbezierk an der Chamber an duerno, tëscht 2004 an 2009 Ëmwelt- an Transportminister an der Regierung Juncker-Asselborn I. No de Chamberwale vum 7. Juni 2009 war hien nees Deputéierten a Fraktiounschef vun der LSAP an der Chamber.
Bei de Chamberwale vum 20. Oktober 2013 hat hie fir d'éischt am Zentrum kandidéiert[1], ass awer net erëmgewielt ginn.
De Lucien Lux gouf de 24. Dezember 2013 als Member vum Staatsrot ernannt, wou en den Dan Kersch ersat huet, deen an d'Regierung gewiesselt ass[1][2].
Do dernieft ass de Lucien Lux zanter 2014 Patron vun der Beroderfirma Minga Sàrl[3], déi exklusiv fir de Entrepreneur Flavio Becca schafft. Am Oktober 2024 gouf bekannt, datt de Parquet eng Enquête wéinst Verdacht vu Mëssbrauch vu Firmeverméigen, Geldwäsch a Verstouss géint d'Beruffsgeheimnis géint de Lucien Lux an d'Weeër geleet huet. De Parquet geheit him vir, en internen Avis vum Staatsrot iwwert d'Reform vum Spidolsplang un de Flavio Becca viruginn ze hunn.[4][5]
Privates
[änneren | Quelltext änneren]De Lucien Lux ass bestuet a Papp vun 2 Kanner.
Gielercher
[änneren | Quelltext änneren]- Officier vum Ordre de la couronne de chêne (Promotioun 1999)[6]
- Commandeur vum Ordre de Mérite du Grand-Duché de Luxembourg (Promotioun 2004)[7]
Um Spaweck
[änneren | Quelltext änneren]| Commons: Lucien Lux – Biller, Videoen oder Audiodateien |
Referenzen
[Quelltext änneren]- ↑ 1,0 1,1 1,2 (fr)Lucien Lux | Paperjam + Delano Business Guide. en.paperjam.lu. Gekuckt de(n) 22.10.2024.
- ↑ (fr)Membres depuis 1857. conseil-etat.public.lu (09.10.2024). Gekuckt de(n) 22.10.2024.
- ↑ ënnert der Nummer B185563 am Handelsregëster agedroen
- ↑ (de)Reporter.lu, Affäre um Staatsrat: Justiz ermittelt gegen Lucien Lux. Reporter.lu (04.10.2024). Gekuckt de(n) 22.10.2024.
- ↑ (fr)Communiqué du parquet de Luxembourg en relation avec une perquisition le vendredi 4 octobre 2024 au Conseil d’Etat. justice.public.lu (04.10.2024). Gekuckt de(n) 22.10.2024.
- ↑ Memorial B n° 58 vun 1999 mat der Lëscht vun de Leit déi 1999 eng national Auszeechnung kritt hunn Op der Säit 1149 vun deem Memorial steet 'Promotion 1999' wärend op der Säit 1150 'Promotion 1998' steet. 1999 ass wuel richteg wëll de Memorial op den 1. Dezember 1999 datéiert ass.
- ↑ Compte rendu des séances publiques n° 17 session 2003-2004
- Gebuer 1956
- Lëtzebuergesch Gewerkschaftler
- Lëtzebuergesch Deputéiert
- Lëtzebuergesch Ministeren
- Lëtzebuergesch Buergermeeschteren
- Transportministere vu Lëtzebuerg
- Ëmweltministere vu Lëtzebuerg
- Membere vum Staatsrot zu Lëtzebuerg
- Officier de l'ordre de la couronne de chêne
- Commandeur de l'Ordre de Mérite du Grand-Duché de Luxembourg
- Buergermeeschtere vu Beetebuerg