Gemeng Ëlwen

Ëlwen
d'Gemengenhaus
Aussprooch
An anere Sproochen	fr: Troisvierges de: Ulflingen
Land	Lëtzebuerg
Kanton	Klierf
Buergermeeschter	Édouard Mertens
Awunner	3.296 (1 Januar 2020)
Fläch	3.786 ha
Koordinaten	50° 7’ 14’’ N 5° 59’ 56’’ O
Websäit	http://www.troisvierges.lu/
D'Gemeng Ëlwen (orange) am Kanton Klierf (rout)

Ëlwen ass eng vun den 102 lëtzebuergesche Gemengen.

Geographie

Ëlwen läit am Nord-Weste vum Land op den éisleker Plateauen am Kanton Klierf. Et ass déi nërdlechst Gemeng aus dem Grand-Duché. Am Norden, Nordosten a Westen stéisst se un d'Belsch, am Südosten un d'Gemeng Wäiswampech an am Süden un d'Gemeng Wëntger. An der Gemeng leien déi zwou héchste Koppen aus dem Land, d'Buergplaz an Op Kneiff.

Den nërdlechste Punkt vum Land läit an der Ëlwener Gemeng op 50° 10’ 58’’ N 06° 01’ 29’’ O.

Uertschaften an der Gemeng

Beesslek Biwesch Drénkelt Ëlwen

Géidgen Huldang Kierchen Wilwerdang

Zu der Gemeng Ëlwen gehéieren nach follgend Häff a Lieu-diten:

Buergplaz Cornelysmillen Géidgermillen

Huldangermillen Kierchermillen Lenglerlach

Op Kneiff Pafemillen Schmëdd

Hydrographie

Duerch Ëlwen leeft d'Wolz déi hir Quelle bei Huldang huet.

Aner Baachen um Territoire vun der Gemeng sinn:

Boburen Brellbaach Klierf. Fooschtbaach Follmillbaach Haardbaach

Heffbaach Kléngelbaach Luckesbaach Stauwelsbaach och Millebaach genannt. Renkebaach Weierbaach

Geschicht

Bis den 28. Dezember 1908 huet d'Gemeng Basbellain geheescht. Mat engem Gesetz vun deem Dag gouf de Sëtz vun der Gemeng op Ëlwen transferéiert an d'Gemeng gouf deementspriechend ëmgedeeft.

Duerch Gesetz vum 20. Juli 1925 gouf d'Sektioun Biwesch vun der Gemeng Aasselbuer ofgetrennt, an ass bei d'Gemeng Ëlwen dobäikomm.

1977 bei der Grënnung vun der neier Gemeng Wëntger koume 7.88 ha a aus der Sektioun B vun Aasselbuer bei d'Gemeng Ëlwen.

Entwécklung vun der Awunnerzuel

Quell:STATEC

Politik

Ëlwen war bis d'Gemengewale vun 2011 nach mat, eng Majorzgemeng. Well se 2017 iwwer 3000 Awunner hat, gëtt de Gemengerot zanterhier nom Proporzsystem gewielt.

Zesummesetzung

Joer	CSV	ËBL
2017	4	7

ËBL: Ëlwener Bierger Lëscht ; Quell: elections.lu

Buergermeeschteren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

• ...
• ... - 2011: Lucien Majerus
• 2011 - haut: Edy Mertens (Biergerlëscht/DP)

Kulturelles

• Ciné Orion bei der Gare zu Ëlwen
• Tony-Bourg-Bibliothéik

Kuckeswäertes

• d'Fiichtgebitt Cornelysmillen;
• d'Kierch Ëlwen aus dem Joer 1640, déi dem Ëlwener Franziskanerklouschter gehéiert huet; mat hirem Mobiliar al hirer Uergel als nationaalt Monument klasséiert;
• d'Kierch vu Kierchen, zesumme mam Kierfecht ronderëm als nationaalt Monument klasséiert;
• d'Kiercher Millen, och en natioonalt Monument (Inventaire supplémentaire).

Interkommunal Syndikater

D'Gemeng Ëlwen ass Member vu follgenden interkommunale Syndikater:

DEA Maison de retraite Clervaux Parc Naturel de l'Our SICLER SIDEC

SIDEN SIDERO SIGI SYVICOL

Jumelagen

Hepstedt an Däitschland Desborough a Vereenegt Kinnekräich Bièvre an der Belsch Holmegaard an Dänemark Falset a Spuenien Cissé a Frankräich Kolindros a Griicheland Cashel an Irland

Esch an Holland Samuel a Portugal Bucine an Italien Lassee an Éisträich Kannuns a Finnland Ockelbro a Schweden Pölva an Estland

Nagycenk an Ungarn Stryzow a Polen Stary Poddvorov an Tschechesch Republik Medzev an der Slowakei Moravce a Slowenien Lefkara an Zypern Nadur op Malta

Kuckt och

• Eisebunnsstreck Ëlwen-Wilwerdang
• Sentier des Passeurs
• Naturpark Our
• Islek ohne Grenzen EWIV
• Lëscht vun den nationale Monumenter an der Gemeng Ëlwen 0
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Ëlwen – Biller, Videoen oder Audiodateien

• Offiziell Säit vun der Gemeng Ëlwen
• D'Gemeng Ëlwen op der Websäit vum Syvicol
• Websäit vun der Ëlwener Musek
• Websäit mat villen Informatiounen iwwer Ëlwen
• Loi du 28 décembre 1908, transférant le chef-lieu de la commune de Basbellain à Troisvierges