Jean Huss

Jean Huss
Gebuer	26. Mäerz 1947
Nationalitéit	Lëtzebuerg
Aktivitéit	Politiker
Partei	déi gréng

De Jean ("Muck") Huss, gebuer de 26. Mäerz 1947 zu Esch-Uelzecht, ass e lëtzebuergesche Politiker.

De Jean Huss, dee vu Beruff Professer ass, war bis 1983 an der sozialistescher Partei, a war ee vun de Grënner vun déi gréng. Hie setzt sech virun allem fir eethesch a sozial Theemen an, a war och Corapporteur vum Gesetz iwwer d'Depenaliséierung vun der Euthanasie zu Lëtzebuerg.

Virun allem wéinst der pro-Impfungspositioun vun 'déi gréng' wärend der Covid-19 Pandemie ass hien aus der Partei ausgetrueden an ass zanterhier a kenger Partei méi Member.

Gemengepolitik

Hie war vum 1. Januar 1988 bis den 31. Mäerz 1990 a vum 1. Januar 1994 bis den 31. Januar 1995 Conseiller am Escher Gemengerot. Dono war hien nees vu Juni 2000 bis Januar 2014 Conseiller vun der Gemeng Esch-Uelzecht.

Landespolitik

Hie war vum 16. Juli 1984 bis de 14. September 1987 a vum 18. Juli 1989 bis den 11. Oktober 1992 Deputéierten an der Chamber. Vum 18. Juli 1994 u war hien nees Deputéierten; hie gouf 1999, 2004 an 2009 erëmgewielt.

De 6. Juli 2011 huet hie säi Mandat néiergeluecht a gouf vun der Josée Lorsché ersat.

Aner Aktivitéiten

Nieft der institutioneller Politik ass de Jean och aktiv bäi AKUT.

Gielercher

• Commandeur vum Ordre de la couronne de chêne (Promotioun 2008).

Literatur

• Kurschat, I., 2024. Grünen-Gründer ist heute politisch heimatlos. Luxemburger Wort vum 31. August/1. September 2024, S. 2-3.

Um Spaweck

Commons: Jean Huss – Biller, Videoen oder Audiodateien