Josée Lorsché
| Josée Lorsché | |
|---|---|
| Gebuer |
9. September 1961 Diddeleng |
| Nationalitéit | Lëtzebuerg |
| Aktivitéit | Politiker, Schoulmeeschter |
| Partei | déi gréng |
 | |
D'Josée Lorsché, gebuer den 9. September 1961 zu Diddeleng, ass eng lëtzebuergesch Politikerin (déi gréng) vu Beetebuerg. Vu Beruff ass si Léierin.
Theemen[änneren | Quelltext änneren]
Hir laangjäreg Aarbecht als Léierin an d'Antiatomkraaftbeweegung an den 80er Joren hunn d'Josée Lorsché dozou beweegt sech am Beräich vun der Sozial- an Ëmweltpolitik z'engagéieren. Aner wichteg Theme fir si sinn d'Integratioun vu Mënsche mat Behënnerung, Altersfleeg, d'Gläichstellung vun homosexuelle Mënschen an och d'Gläichstellung vu Mann a Fra.[1]
Gemengepolitik[änneren | Quelltext änneren]
D'Josée Lorsché ass zanter de Gemengewale vun 2005 am Beetebuerger Gemengerot, an do zanter 2011 Schäffin.[2]
Landespolitik[änneren | Quelltext änneren]
De 6. Juli 2011 gouf d'Josée Lorsché als Deputéiert aus dem Bezierk Süden an der Chamber vereedegt, wou si de Jean Huss ersat huet, dee sech zréckgezunn hat.[3] Si gouf bei de Chamberwale vum 20. Oktober 2013 an deene vum 14. Oktober 2018 erëmgewielt.
Referenzen[Quelltext änneren]
- ↑ Josée Lorsché op greng.lu
- ↑ bettembourg.lu
- ↑ "Chamber: Lorsché a Léiweng, Gemengewahlen a Staumauer. rtl.lu - 06.07.2011, 16:25 - Fir d'lescht aktualiséiert: 07.07.2011, 08:08