Bauchdanz

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Bauchdänzerin

De Bauchdanz ass en Danz, dee meeschtens vu Fraen a spezielle Kostümer zu orientalescher Musek presentéiert gëtt.

D'Bezeechnung "Bauchdanz" staamt wuel vun de franséische Schrëftsteller Émile Zola a Gustave Flaubert ("danse du ventre") a reduzéiert fälschlech d'Diversitéit vum Danz an d'Kënne vun den Dänzerinnen op de Bauch, respektiv d'Hëffen an den Hënner. Wéi bei allen Dänz ginn natierlech och d'Äerm, Been, Féiss, Schëlleren an de Kapp bewegt.

An der arabescher Welt gëtt den Danz Raqs Sharqi / ‏رقص شرقي‎ / raqṣ šarqī genannt. Opgrond vun der wiertlecher Iwwersetzung "Danz vum Osten" ass deemno och d'Bezeechnung "Orientaleschen Danz" korrekt, bezitt sech awer net op all orientalesch Folklorsdänz vum noe bis fären Osten, mä reng op den egyptesche Solodanz.

Et ass e sënnlechen an eleganten Danz, deem seng Bewegungen sech och alt emol an d'erotescht zéie kënnen.