Cayenne

Cayenne
Land	Frankräich
Regioun	Guyane
Departement	Guyane
Arrondissement	Cayenne
Postcode	97300
Gemengecode	97302
Koordinaten	04° 56’ 05’’ N       52° 19’ 49’’ W
Fläch	2.360 ha
Bevëlkerung	63.652 (2018)

Cayenne ass d'Haaptstad a mat knapp 64 000 Awunner (2018) zugläich gréisst Stad vum franséischen Iwwerséidepartement Guyane.

D'Stad läit um Estuaire dee vun de Flëss Cayenne a Montsinéry gebilt gëtt, an deen och d'Gemengegrenz am Nordweste mécht. Am Norden an am Nordoste stéisst d'Stad un den Atlantik, am Osten a Südoste läit d'Gemeng Rémire-Montholy an am Süden a Südwesten d'Gemeng Matoury.

D'Duerchschnëttshéicht ass 15 m. an déi zwou héchst Plaze mat 114 m. sinn de Mont Bourda an de Mont Baduel.

Bekannt Cayenner

• Léon-Gontran Damas, guyanesche franséischsproochege Schrëftsteller
• Félix Éboué, franséische Kolonialpolitiker
• Donovan Léon, franséische Foussballspiller
• Florent Malouda, franséische Foussballspiller
• Gaston Monnerville, franséische Politiker a Verfassungsriichter
• Henri Salvador, franséische Sänger
• Christiane Taubira, franséisch Politikerin

Biller

• 
  Märei vu Cayenne
• 
  Place des palmistes
• 
  Place du coq

Um Spaweck

Commons: Cayenne – Biller, Videoen oder Audiodateien