Centre de formation des journalistes

Centre de formation des journalistes

Typ	Journalisteschoul, Héichschoul
Land	Frankräich
Ënnersteet der/dem	Universitéit Panthéon-Assas
Gegrënnt	1946
Um Spaweck	https://www.cfjparis.com/

De Centre de formation des journalistes (CFJ) ass eng franséisch Privatschoul fir Journalissem. D'Schoul ass zu Paräis op N°35 an der Rue du Louvre.

D'Schoul ass Member vun der Conférence des grandes écoles, an et kann een do en Diplom um Niveau II maachen, dee vum franséische Ministère de l'Enseignement supérieur et de la Recherche unerkannt ass.

De Verwaltungsrot ass presidéiert vum Henri Pigeat, fréiere President vun der Agence France-Presse, an Direkter ass de Jounalist Christophe Deloire.

Geschicht

Den CFJ gouf den 11. Juli 1946 vu franséische Resistenzler gegrënnt, mat un der Spëtz de Philippe Viannay an de Jacques Richet.

Eng schlecht Finanzlag 1998 huet e Changement vun der Struktur mat sech bruecht. Op Initiativ vun der Claire Richet, dem Bernard Pivot, an dem Pierre Lescure, hu fréier Schüler d'Assosiatioun « CFJ-Demain » gegrënnt fir d'Schoull virun der Liquidatioun ze retten. Trotz méi héijen Inscriptiounskäschte steet de Centre de formation 2002 erëm virun engem Depot vum Bilan.

Am Juli 2003 iwwerhëlt d'Grupp EFE deen an der Ausbildung am Steierrecht, an an der Communicatioun spezialiséiert ass, den CFJ zesumme mat dem CPJ an dem CIM.

Fréier Studenten

• Beschte « Grand Reporter de la presse écrite »
  • 1954: Armand Gatti
  • 1979: Hervé Chabalier
  • 1981: Bernard Guetta
  • 1993: Philippe Broussard
  • 1995: Bureau AFP Moscou mam Stéphane Orjollet
  • 1998: Luc Le Vaillant
  • 2004: Christophe Ayad
  • 2005: Natalie Nougayrede
• Beschte « Grand Reporter de l'audiovisuel »
  • 1990: Gilles de Maistre
  • 1997: Claude Sempere
  • 2002: Thierry de Lestrade
  • 2006: Manon Loizeau an Alexis Marant

Um Spaweck

• (fr) Offiziell Säit vum Centre de formation des journalistes
• (fr) Offiziell Säit vun der Association des anciens élèves du CFJ