Chambre des fonctionnaires et employés publics

Chambre des fonctionnaires et employés publics (Staatsbeamtekummer)
Typ	Ëffentlecht Etablissement
Grënnungsdatum	12.02.1964
Sëtz	26 Boulevard Royal L-2449Lëtzebuerg
Generaldirekter	Romain Wolff (President)
Branche	Beruffschamber
Homepage	www.chfep.lu

Chambre des fonctionnaires et employés publics ass den offiziellen Numm vun der Staatsbeamtekummer (och alt Staatsbeamtekammer) zu Lëtzebuerg, der Beruffschamber vun de Beamten an Employéen aus dem ëffentleche Secteur. Se huet de Statut vun engem ëffentlechen Etablissement.

Historique

Mam Gesetz vum 4. Abrëll 1924 gouf zu Lëtzebuerg e Beruffschamber-System op eligibeler Basis opgebaut an et sinn deemools fënnef Beruffschamberen an d'Liewe geruff ginn. Dozou hunn ë. a. d'Handelskummer, d'Handwierkerkummer an d'Privatbeamtekummer gehéiert. D'Chambre des fonctionnaires et employés publics krut eréischt duerch Gesetz vum 12. Februar 1964 eng legal Basis an 1965 goufen déi éischt Walen dofir organiséiert.

Kompetenz

Ënnert d'Kompetenz vun der Staatsbeamtekummer falen ë. a. follgend Aufgaben:

• déi materiell a moralesch Interessie vum Personal aus dem ëffentlechen Déngscht schützen a verdeedegen an de Respekt vun de Gesetzer a Reglementer sécherstellen;
• en Avis ofgi bei alle Gesetzesprojeten a -propositiounen déi d'Personal aus dem ëffentlechen Déngscht betreffen;
• der Regierung Propositioune maache fir d'Organisatioun, d'Aarbechtskonditiounen a -methode vum ëffentlechen Déngscht ze verbesseren.

Presidenten

Staatsbeamtekummer

Period	President
1965-1970	Paul Schroeder
1970-1990	Félix Haas
1990-2000	Joseph Daleiden
2000-2015	Emil Haag
Zanter dem 29. Juni 2015	Romain Wolff

Kuckt och

• Sozialwalen

Um Spaweck

• Chambre des fonctionnaires et employés publics (fr)