Cité judiciaire
 | |
| Land | Lëtzebuerg |
|---|---|
| Gemeng | Lëtzebuerg |
| Plaz | L-2080 Luxembourg |
| Adress | Helleg-Geescht-Plateau |
| Koordinaten |
49° ’ ’’ N ° ’ ’’ O |
| Baustil | . |
| Architekt(en) |
Rob a Léon Krier mam Christoph Kohl an Architecture et Environnement |
| Datum vum Bau | 2003-2008 |
| Opgaangen | 6. Oktober 2008 |
 | |
D'Cité judiciaire steet um Helleg-Geescht-Plateau an der Stad Lëtzebuerg. An hir sinn eng Partie Justizinstanzen a Justizverwaltungen ënnerbruecht. Architekte waren d'Bridder Rob a Léon Krier.
D'Iddi ass 1991 entstanen, wéi de Regierungsrot de Bauteministère beoptraagt huet, en neie Justizpalais um Helleg-Geescht-Plateau ze plangen. 1993 gouf d'Iddi vun engem Justizpalais fale gelooss zu Gonschte vun enger ganzer Cité aus aacht Gebaier, mat dem Zil, eng besser Integratioun an der Uewerstad z'erreechen.
An de Joren duerno huet en Desaccord tëscht dem Staat an der Stad Lëtzebuerg den Ufank vun de Bauaarbechte schleefe gelooss. Et goung dobäi ë. a. ëm d'Plaz selwer (d'Stad huet eng Zäit laang déi iwwerdeckelt Zuchgleiser zu Bouneweg virgezunn), d'Ausgesinn (en Tuerm, dee virgesi war, gouf aus dem Projet gestrach, d'Fassaden hu missen ugepasst ginn) an e en Impakt op d'Klasséierung vun der Alstad als UNESCO-Weltkulturierwen hunn (d'Unesco huet schliisslech gréng Luucht ginn).
De Grondstee gouf de 7. Oktober 2003 vun den deemolege Regierungsmemberen Erna Hennicot-Schoepges a Luc Frieden geluecht[1]. De Chantier hätt sollen 2006 ofgeschloss ginn, huet awer bis an déi zweet Hallschent vun 2008 gedauert. Am Juli 2008 sinn déi éischt Servicer eriwwergeplënnert; de 6. Oktober 2008 gouf d'Cité judiciaire offiziell ageweit.
Konscht um Bau
[änneren | Quelltext änneren]Baussen um Gebai vun der Cour Supérieure de Justice si véier Statuen op Sailen, déi d'Qualitéit "verschimmt", "am Gaang ze lauschteren", "am Gaang, z'ermanen" an "um Qui-vive" duerstellen. Opfälleg sinn och déi véier faarweg Vasen aus Edelstol vum Horst Glaesker, déi déi véier Elementer, d'"Grondprinzippie vun der Welt", symboliséiere sollen.[2]
Justizinstanzen
[änneren | Quelltext änneren]Justizinstanzen an der Cité judiciaire:
- Zentrale Sozialdéngscht
- Friddensgeriicht
- Palais vum Ieweschte Geriichtshaff
- Jugendgeriicht
- Bezierksgeriicht
- Parquet vum Bezierksgeriicht
Um Spaweck
[änneren | Quelltext änneren]| Commons: Cité judiciaire – Biller, Videoen oder Audiodateien |
Referenzen
[Quelltext änneren]- ↑ Pose de la première pierre de la Cité judiciaire au plateau du Saint-Esprit op gouvernement.lu de 6. Oktober 2003, gekuckt den 3. Abrëll 2020
- ↑ "Justitia seit zehn Jahren in neuem Glanz." wort.lu, 05.10.2018.