Conseil permanent de la langue luxembourgeoise

Vu Wikipedia
Wiesselen op: Navigatioun, sichen

De Conseil permanent de la langue luxembourgeoise (gekierzt CPLL) ass en Observatoire vun der lëtzebuergescher Sprooch mat Sëtz am Nationale Literaturzentrum zu Miersch. Hie soll eis Sprooch studéieren, beschreiwen an zu hirer Verbreedung bäidroen. De Conseil koordinéiert déi vun der Regierung etabléiert Aarbechtsgruppen, déi sech mam Ausschaffe vun neie Lëtzebuerger Dictionnairen befaassen.

Gesetzlech Basis[änneren | Quelltext änneren]

Dat ministeriellt Reglement vun 1998[änneren | Quelltext änneren]

Duerch ministeriellt Reglement gëtt 1998 de Conseil permanent de la langue luxembourgeoise gegrënnt.[1] D'Membere vum Conseil gi fir e Mandat vu fënnef Joer vum Kulturminister genannt. Hiert Mandat ass erneierbar. D'Kommissioun besteet aus maximal 11 Memberen.

De Conseil permanent huet domat déi sougenannt Dictionnaireskommissioun vun 1992 (Commission du Dictionnaire et de l'Orthographe de la langue luxembourgeoise) ersat, déi duerch en Arrêté vum 7. Januar 1998 ofgeschaaft gouf. [2]

D'groussherzoglecht Reglement vun 1999[änneren | Quelltext änneren]

Dat ministeriellt Reglement vun 1998 gouf duerch dat groussherzoglecht Reglement vun 1999 ofgeschaaft[3]

D'Gesetz vun 2004[änneren | Quelltext änneren]

Am Kader vum Gesetz iwwer eng nei Organisatioun vun de Kulturinstitutiouen vum Staat[4] gëtt beim Nationale Literaturzentrum de Conseil permanent de la langue luxembourgeoise (CCPL) gegrënnt. De CPLL krut als Optrag d'Lëtzebuerger Sprooch ze studéieren, ze beschreiwen a se ze verbreeden. De CPLL ass och zoustänneg fir d'Koordinatioun vun den Aarbechten déi mam Ausschaffe vun de lëtzebuergeschen Dictionnairen ze dinn hunn. D'Kommissioun besteet aus maximal 11 Memberen, déi berufflech mat der Lëtzebuerger Sprooch ze dinn hunn, an duerch en "Arrêté grand-ducal" fir e Mandat vun dräi Joer genannt ginn. Hiert Mandat ass erneierbar.

D'groussherzoglecht Reglement vun 2007[änneren | Quelltext änneren]

En neit groussherzoglecht Reglement vum 5. Februar 2007 [5] bestëmmt d'Organisatioun vum CPLL an huet d'groussherzoglecht Reglement vum 29. Juli 1999 ofgeschaaft.

D'Kommissiounen[änneren | Quelltext änneren]

D'Kommissioun vun 1998[änneren | Quelltext änneren]

Lëscht vun de Memberen déi 1998 genannt goufen:

D'Kommissioun vun 2003[änneren | Quelltext änneren]

Lëscht vun de Memberen déi 2003 genannt goufen:

D'Kommissioun 2007[änneren | Quelltext änneren]

President ass de Georges Wirtgen. Lëscht vun de Memberen déi 2007 genannt goufen[8]:

  • Michel Schmitt
  • Georges Wirtgen

D'Kommissioun 2010[änneren | Quelltext änneren]

President ass de Georges Wirtgen.

Lëscht vun de Memberen déi 2010 genannt goufen[9]:

  • Pierre Reding
  • Lex Roth
  • Georges Wirtgen

Kommissioun 2013[änneren | Quelltext änneren]

President ass de Marc Barthelemy. Lëscht vun de Memberen déi 2013 genannt goufen[10]:

Kommissioun 2016 [11][änneren | Quelltext änneren]

President ass de Marc Barthelemy.

  • Alain Atten
  • Claude Bache
  • Marc Barthelemy
  • Angèle Gaasch
  • Peter Gilles
  • Claude Kremer
  • Pierre Reding
  • Lex Roth
  • Nora Si Abderrahmane
  • Helmuth Sperl
  • Myriam Welschbillig

Aarbechtsgruppen[änneren | Quelltext änneren]

De CPLL huet 2 Aarbechtsgruppe geschaaft, déi sech mat spezifesche Problemer ofginn[12]

Orthographie[änneren | Quelltext änneren]

Am September 2008 huet eng nei Orthographiesgrupp ugefaangen, en aktualiséierten Texte coordonné vun de lëtzebuergeschen Orthographiesregelen zesummenzesetzen, deen duerno aktualiséiert gehalen an duerch groussherzoglech Reglementer formaliséiert gëtt. Déi Grupp schafft och eng phonetesch Transkriptioun vun der lëtzebuergescher Sprooch aus. Ausserdeem probéiert se, Léisungen zu Orthographiesproblemer ze fannen, deenen d'Dictionnairesgrupp am Laf vu senger Aarbecht begéint.

Grammaire[änneren | Quelltext änneren]

2009 soll eng Grammairesgrupp eng ähnlech Aarbecht am Beräich vun der Lëtzebuerger Grammaire duerchféieren.

Referenzen[Quelltext änneren]

  1. Cf. Règlement ministériel du 5 janvier 1998 portant création du Conseil permanent de la langue luxembourgeoise. Mémorial A n° 9: 144, 17.02.1998
  2. Arrêté du Gouvernement en conseil du 7 janvier 1998 portant abrogation de l'arrêté du Gouvernement en conseil du 12 juin 1992 portant institution d'une Commission du Dictionnaire et de l'Orthographe de la langue luxembourgeoise
  3. Cf. Règlement grand-ducal du 29 juillet 1999 portant création du Conseil permanent de la langue luxembourgeoise. Mémorial A n° 107: 2016, 06.08.1999.
  4. Cf. d'Grënnung vum CPLL am Artikel 24 vum folgende Gesetz: Loi du 25 juin 2004 portant réorganisation des instituts culturels de l'Etat Mémorial A - N° 120: 1798-1810, 15. Juli 2004
  5. Cf. Règlement grand-ducal du 5 février 2007 déterminant l'organisation du Conseil permanent de la langue luxembourgeoise. Mémorial A n° 19: 502-503, 26.02.2007
  6. De Joseph Reisdoerfer, fréiere Member vun der Dictionnaires-Kommissioun vum CPLL, huet no senger Collaboratioun mat dem CPLL ugefaangen, den Dictionnaire étymologique des éléments français du Luxembourgeois, deen aus zéng Fascicule bestoe soll, ze publizéieren, an dat zesumme mat dem Geneviève Bender-Berland an dem Johannes Kramer vun der Universitéit Tréier.
  7. De lëtzebuergesche Linguist Nico Weber war vun 1998-2003 Member vum CPLL, säi Mandat gouf awer net erneiert. 1999 hat hien de Jérôme Lulling gefrot, fir déi geplangt Reform vun der Lëtzebuerger Schreifweis ze kommentéieren. E puer vu sengen Iddie goufen dann och mat an de finale Règlement grand-ducal vun 1999 opgeholl. Am Joer 2000 huet dunn den CPLL zesumme mam Centre de Recherche Public - Gabriel Lippmann d'Entwécklung vun deem éischte Spellchecker fir d'Lëtzebuergescht an d'Weeër geleet (Projet CORTINA).
  8. Cf. Arrêté grand-ducal du 5 février 2007 portant nomination des membres du Conseil permanent de la langue luxembourgeoise. Mémorial B N° 12: 107-108, 26 Februar 2007
  9. Cf. Arrêté grand-ducal du 18 février 2010 portant renouvellement du mandat des membres du Conseil Permanent de la langue luxembourgeoise. Mémorial B N° 23: 363, 12 Mäerz 2010
  10. Cf. Arrêté grand-ducal du 27 juin 2013 portant renouvellement du mandat des membres respectivement nomination de nouveaux membres du Conseil permanent de la langue luxembourgeoise. Mémorial B N° 71: 1576-1577, 17 Juli 2013
  11. Arrêté grand-ducal du 25 novembre 2016 portant nomination des membres du Conseil permanent de la langue luxembourgeoise.
  12. Cf. d'Pressëkonferenz vun der Staatssekretärin fir Kultur, Héichschoul a Fuerschung Octavie Modert vum 7. Oktober 2008 iwwer d'Ustrengunge vum Ministère zegonschte vun der Lëtzebuerger Sprooch a Literatur Pressëkommuniqué

Kuckt och[änneren | Quelltext änneren]

Um Spaweck[änneren | Quelltext änneren]