Danièle Fonck
| Danièle Fonck | |
|---|---|
| Gebuer |
31. Januar 1953 Lëtzebuerg |
| Nationalitéit | Lëtzebuerg |
| Aktivitéit | Journalist |
 | |
D'Danièle Fonck, gebuer den 31. Januar 1953 an der Stad Lëtzebuerg,[1] ass eng lëtzebuergesch Journalistin.[2] Si ass Generaldirektesch vum Grupp Editpress. Donieft ass si och nach Direktesch vum Le Jeudi an, zesumme mam Dhiraj Sabharwal, Ko-Chefredaktrice vum Tageblatt.
Karriär
[änneren | Quelltext änneren]D'Danièle Fonck huet Journalismus zu Paräis studéiert an 1977 als Journalistin fir international Politik am Escher Grupp Editpress ugefaangen, zu deem och d'Tageblatt gehéiert.[1][3] 1992 ass si Vizechefredaktrice vun där Dageszeitung ginn an 2004 Chefredaktrice. Zënter 2017 deelt si dee Poste mam Dhiraj Sabharwal.[4]
2011 ass si zousätzlech Generaldirektesch vun Editpress ginn.[3]
Si war vun 2006 bis 2008 Vizepresidentin vum Lëtzebuerger Presserot an duerno tëscht 2008 an 2010 Presidentin[5] an domat déi éischt Fra op deem Posten. An där Funktioun huet si mat un der Reform vum Pressegesetz geschafft, déi den 30. Abrëll 2010 a Kraaft getrueden ass.[1]
Gielercher
[änneren | Quelltext änneren]- Commandeur vum Ordre de Mérite du Grand-Duché de Luxembourg (Promotioun 2017) [6]
- Officier de l'Ordre de la couronne de chêne (Promotioun 2010)[5]
Referenzen
[Quelltext änneren]- ↑ 1,0 1,1 1,2 Biographie op paperjam.lu (gekuckt den 20. Februar 2018)
- ↑ D 'Danièle Fonck op der Websäit vum Conseil de presse
- ↑ 3,0 3,1 Groupe Rossel: Du nouveau chez Editpress: Danièle Fonck succède à Alvin Sold (19. September 2011)
- ↑ Tageblatt: Tageblatt mit verstärkter Führung in die Zukunft (16. November 2017)
- ↑ 5,0 5,1 20 Journalisten und zwei Verleger in nationalen Verdienstorden ausgezeichnet op www.press.lu
- ↑ Verdienstvolle Journalisten ausgezeichnet Tageblatt (Luxembourg) 30 Jun 2017 op PressReader.com