Eech um Engelshaff

Eech um Engelshaff
Eech um Engelshaff
	D'Eech, d'Kapell an den Engelshaff (2008)
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Nidderaanwen
Plaz	Iernster
Adress	Rue Engelshaff
Koordinaten	49°40'27,05"N, 6°15'29,48"O
Bamaart	Eechen
Héicht	15,3 m (2023)
Duerchmiesser	1,51 m (2023)
Ëmfang	4,74 m (2023)

D'Eech um Engelshaff ass eng Summer- oder Wantereech (Quercus robur oder Quercus petraea), déi beim Engelshaff bei Iernster an der Gemeng Nidderaanwe steet. Se steet an enger klenger Sank, nieft enger Kapell. D'Kroun ass onsymmetresch opgebaut: zum Hank hi strecke sech déi ënnescht Äscht breet an horizontal aus, zum Wee hi goufe se gekierzt.

Den Alter vum Bam gëtt op ronn 200 Joer geschat^[1]. Wéinst hirem Alter an der Plaz wou se steet, gehéiert dës Eech zu de bemierkenswäerte Beem zu Lëtzebuerg.

D'Kapell an d'Eech gehéieren zum Engelshaff, sinn also a Privatbesëtz. Déi eelst schrëftlech Erwänung vum Engelshaff geet op 1526 zeréck. Donieft gëtt et Hiweiser datt do schonn am 15. Joerhonnert en Haff stoung. Op der Ferraris-Kaart vun 1777 gëtt den Haff als Cense de Engels Haff bezeechent.

Entwécklung vum Bam[änneren | Quelltext änneren]

Ongeféier Moosse vum Bam (m)
Joer	$U$ ^[2]	$d$	$h$
1980	4,60	1,46
≈2000	5,00	1,59	16,00
2023	4,74	1,51	15,3

1981 gouf dës Eech als deen 20. déckste Bam am Land gefouert.

Quellen[änneren | Quelltext änneren]

Murat, Danièle et al. Les arbres remarquables du Grand-Duché de Luxembourg. [3^e parution revue et adaptée]. Diekirch: ANF, 2023. Print. ISBN 978-2-9199474-3-0 (Cf. S. 118-119, Text a Foto).
Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 34-35, Text a Foto).
Administration des eaux et forêts, 1981. Arbres remarquables du Grand-Duché de Luxembourg. Imprimerie Saint-Paul, 167 S. (Cf. Tabelle S. 46 an 163; keng Beschreiwung an och keng Foto vun dësem Bam heiran).