Eleanor Helin

Vu Wikipedia
Op d'Navigatioun wiesselen Op d'Siche wiesselen
Eleanor Helin
Eleanor F. Helin, 1973.jpg
Gebuertsnumm Eleanor Key Francis
Gebuer 19. November 1932
Gestuerwen 25. Januar 2009
Nationalitéit USA
Aktivitéit Astronom
Wikidata-logo-without-paddings.svg

D'Eleanor Francis "Glo" Helin, gebuer den 19. November 1932 a gestuerwen de 25. Januar 2009,[1] war eng US-amerikanesch Astronomin. Si huet vill Asteroiden a Koméiten entdeckt.[2]

D'Eleanor Helin huet fir d'Near Earth Asteroid Tracking (NEAT) geschafft, e Programm vun der NASA am Jet Propulsion Laboratory.

Bei hirer Aarbecht goufe vun hir selwer oder ënner hirer Leedung iwwer 800 Asteroiden entdeckt. Dorënner och déi zwéin éischt Aten-Asteroiden, den (2062) Aten an (2100) Ra-Shalom, souwéi d'Apollo-Asteroiden (4660) Nereus, (4769) Castalia ënner anerem, an e Koup Amor-Asteroiden. Zousätzlech sinn déi dräi Trojaner, dovun den (3240) Laocoon an (9969) Braille ze nennen.

D'Eleanor Helin huet, eleng oder an Zesummenaarbecht, e puer Koméiten entdeckt, ënner hinnen 111P/Helin-Roman-Crockett, 117P/Helin-Roman-Alu, 132P/Helin-Roman-Alu, 151P/Helin an 152P/Helin-Lawrence.

Hir gëtt och d'Zréckentdeckung vum Asteroid (4015) Wilson-Harrington a vum Koméit 107P/Wilson-Harrington ugerechent.

Den Asteroid Glo ass no hir benannt an zwar mat hirem Spëtznumm Glo.

A verschiddene Quelle gëtt si och Eleanor Kay Helin genannt.

Um Spaweck[änneren | Quelltext änneren]

Referenzen[Quelltext änneren]

  1. MPML
  2. Minor Planet Discoverers