Friedrich Wilhelm Murnau

Friedrich Wilhelm Murnau
Gebuertsnumm	Friedrich Wilhelm Plumpe
Gebuer	28. Dezember 1888 Bielefeld
Gestuerwen	11. Mäerz 1931 Santa Barbara
Doudesursaach	Verkéiersaccident
Nationalitéit	Däitschland
Educatioun	Universitéit vun Heidelberg, Ernst-Busch Héichschoul
Aktivitéit	Filmregisseur, Dréibuchauteur, Filmproduzent, Regisseur

De Friedrich Wilhelm Murnau, och F. W. Murnau, gebuer den 28. Dezember 1888 als Friedrich Wilhelm Plumpe zu Bielefeld, a gestuerwen den 11. Mäerz 1931 zu Santa Barbara, a Kalifornien, war en däitsche Filmregisseur.

Hie gëllt als ee vun de bedeitendsten däitsche Regiseuren aus der Zäit vum Stommfilm. Seng Filmer si vum Expressionismus beaflosst, an hiet huet eng deemools revolutionär Kamera- a Montageaarbecht agesat, déi dem Medium Film nei Méiglechkeeten opgemaach huet.

Zu senge bekanntste Wierker zielen Nosferatu - Eine Symphonie des Grauens (1922), deen um Bram Stoker sengem Dracula baséiert, Der letzte Mann (1924) aFaust - eine deutsche Volkssage (1926).

1926 ass hien op Hollywood emigréiert, wou e fir de Fox Studio dräi Filmer gedréint huet: Sunrise (1927), 4 Devils (1928) a City Girl (1930).

Hien ass un de Suitë vun engem Autosaccident gestuerwen.

Vu sengen 21 Filmer sinn der haut 8 déi als verluer gëllen.

De Film Shadow of the Vampire, dee bal ganz zu Lëtzebuerg gedréint gi war, verzielt, wéi bei den Dréiaarbechten zu Nosferatu den Haaptactuer Max Schreck seng Roll erschreckend realistesch spillt. De Murnau gëtt do vum John Malkovich gespillt.

Filmographie

• 1917: Teufelsmädel - verluer gaangen
• 1919: Der Knabe in Blau - verluer gaangen
• 1920: Satanas - Fragment
• 1920: Der Bucklige und die Tänzerin - verluer gaangen
• 1920: Der Januskopf - verschollen
• 1920: Abend - Nacht - Morgen - verluer gaangen
• 1920: Der Gang in die Nacht
• 1921: Marizza, genannt die Schmugglermadonna - Fragment
• 1921: Schloß Vogelöd
• 1921: Sehnsucht - verluer gaangen
• 1922: Der brennende Acker
• 1922: Nosferatu - Eine Symphonie des Grauens
• 1922: Phantom
• 1923: Die Austreibung - verluer gaangen
• 1924: Die Finanzen des Großherzogs
• 1924: Der letzte Mann
• 1926: Tartüff
• 1926: Faust - eine deutsche Volkssage
• 1927: Sunrise - A Song of Two Humans
• 1928: 4 Devils - verluer gaangen
• 1930: City Girl
• 1931: Tabu

Literatur

• Lotte H. Eisner: Murnau. Kommunales Kino, Frankfurt 1979.
• Klaus Kreimeier (Red.): Friedrich Wilhelm Murnau 1888-1988. Bielefelder Verlag, Bielefeld 1988, ISBN 3-87073-034-X, (Katalog zur Ausstellung 1988/89).
• Fred Gehler & Ullrich Kasten: Friedrich Wilhelm Murnau. Henschel, Berlin 1990, ISBN 3-362-00373-7.
• Maik Bozza & Michael Herrmann (Hg.): Schattenbilder - Lichtgestalten. Das Kino von Fritz Lang und F.W. Murnau. Filmstudien, Bielefeld 2009.

Um Spaweck

Commons: Friedrich Wilhelm Murnau – Biller, Videoen oder Audiodateien

• Portal Murnau op filmmuseum-berlin.de
• D'Friedrich Wilhelm Murnau-Stiftung op murnau-stiftung.de
• Simon Broll: "Regie-Legende Murnau - Verfluchtes Genie." einestages.spiegel.de, 20. Dezember 2013