Patagonesch Zypress
(Virugeleet vu(n) Fitzroya)
 Patagonesch Zypressen | |
| Wëssenschaftlech Klassifikatioun | |
|---|---|
| Räich | Planzeräich |
| Ofdeelung | Nolholzplanzen |
| Klass | Pinopsida |
| Uerdnung | Pinales |
| Famill | Zypresseplanzen |
| Gattung | Fitzroya |
| Wëssenschaftlechen Numm | |
| Fitzroya cupressoides | |
| I.M.Johnst. | |
D'Patagonesch Zypress Fitzroya cupressoides (Molina) I.M.Johnst. ass déi eenzeg Aart an der Gattung Fitzroya. Si kënnt an der fräier Natur nëmmen am Chile fir. An Europa fënnt e se a Parken an an Arboretummen, a Géigende wou d'Wänter mëll sinn, z. B. a Südengland wou se awer och nëmme bis 18 Meter héich gëtt.
Hir Schuel ass donkelbrong, mat déiwe Rëss, a se bliedert of.
D'Kroun ass bei de jonke Beem kegelfërmeg, déi deck Äscht stinn zimmlech riicht d'Luucht aus, an déi jonk Schëtz hänken no ënnen.
D'Blieder sinn 2–4 mm laang. Si sinn donkel blo-gréng a sëtzen all Kéier zu 3 beieneneen. Se hunn op all Säit 1-2 kleng wäiss Sträifen.
Den Numm Fitzroya krut se fir de Vizeadmirol Robert FitzRoy ze éieren.
Um Spaweck[änneren | Quelltext änneren]
| Commons: Fitzroya – Biller, Videoen oder Audiodateien |
