Gediechtneskapell Jousefskierch Esch-Uelzecht
| Typ | Kapell |
|---|---|
| Land | Lëtzebuerg |
| Gemeng | Esch-Uelzecht |
| Plaz | Jousefskierch Esch-Uelzecht |
| Ageweit | 23. November 1947 |
 | |
D'Gediechtneskapell an der Jousefskierch zu Esch-Uelzecht gouf un d'Escher Jousefskierch ugebaut, fir doran den Affer vum Zweete Weltkrich aus der Par ze gedenken.
Se besteet aus engem Altor, wourop eng Muttergottesstatu steet, mat hannendrun enger bemoolter Fënster, wourop op deenen dräi ieweschte Panneauen de gekräizegte Jesus ze gesinn ass, an op deenen zwéi ënneschten de Jean Origer, deen engem Mat-KZ-Prisonéier zu Dachau d'Kommunioun gëtt[1].
Op zwou Tafele sinn d'Nimm vun den Affer opgezielt. Eng Tafel huet als Iwwerschrëft:
- Moriamur in virtute propter fratres nostros I. Mach. 9.10,
an déi aner:
- Sancta et salubris est cogitatio pro defunctis exorare. II Mach.12.46.
D'Kapell gouf den 23. November 1947 ageweit[2].