Geozentrescht Koordinatesystem

Vu Wikipedia
Op d'Navigatioun wiesselen Op d'Siche wiesselen
Geozentrescht Koordinatesystem

D'geozentrescht Koordinatesystem ass en dräidimensionaalt rechtwénklegt kartesescht Koordinatesystem mat de Koordinaten X, Y an Z. Säi Koordinatenurspronk (0,0,0) läit am Massemëttelpunkt vun deem als Modell vun der Äerd gewielter Referenzellipsoid.

D'Z-Achs verleeft laanscht d'mëttels Rotatiounsachs vun der Äerd. Si gëtt vum Internationalen Déngscht fir Äerdrotatioun a Referenzsystemer (IERS) als IERS-Referenz-Pol (IRP) festgeluecht an et gi sou déi aktuell exakt Polbewegungen ignoréiert. D'X-Achs verleeft op der Héicht vum Equator duerch den Nullmeridian (Greenwich). Also verleeft d'Y-Achs, well si am rechte Wénkel zu den aneren zwou Achse steet, an Héicht vum Equator no Osten.

D'Koordinatenachse bilden e Rietssystem, dat sech mat der Äerd dréit. Sou bleift den Ofstand vun engem Punkt an dësem Koordinatesystem ëmmer d'selwecht am Verhältnes zu enger bestëmmter Plaz op der Äerduewerfläch.

E bekannt geozentrescht Koordinatesystem ass d'ECEF (Earth-Centered, Earth-Fixed) System, dat bei der Satellittennavigatioun gebraucht gëtt fir d'Positioun vun de Satellitten ze beschreiwen. Et gëtt benotzt, well een dobäi kee spezifeschen Ellipsoid brauch unzeginn.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]