Gezei

Vu Wikipedia
Op d'Navigatioun wiesselen Op d'Siche wiesselen
Kleeder aus verschiddenen Epochen

Gezei oder Kleeder sinn Iwwerbegrëff fir all déi Materialien, déi benotzt gi fir Deeler vum mënschleche Kierper ze bedecken. A bal all Gesellschaften gi Kleeder ugedoen. D'Quantitéit u Gezei variéiert dobäi mat der physescher Statur, dem Geschlecht an dem sozialen a geographeschen Ëmfeld. Et gëtt verschidde Motivatiounen, Gezei unzedoen; nieft der Noutwendegkeet fir Schutz a Wäermt ginn et sozial a kulturell Grënn.

Mam Gezei kënnen Accessoiren ugedoe ginn, wéi zum Beispill Bijouen, Poschen oder Schaler. Schung a Kappbedeckungen (zum Beispill Hitt) zielen dogéint zum Gezei.

Kleeder kënne aus Faserplanzen wéi Kotteng, aus Plastik wéi Polyester oder aus Déierenhaut (Lieder) an -hoer (Woll) gemaach ginn.

Beispiller vu Kleedungsstécker sinn d'Box, d'Hiem, de Rack an d'Jupe.