Gileppetalspär

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
De Léiw op der Kroun
Vue op de Séi
Vue op d'Kroun vun der Mauer
Rietse Waasserschacht
Lénkse Waasserschacht
Den Aussiichtstuerm

D'Gileppetalspär ass e Staudamm um Bord vum Héije Venn an de belsche Gemenge Jalhay a Baelen an der Provënz Léck.

D'Staumauer ass eng Gewiichtsstaumauer an et ass déi eelst vun deem Typ an Europa. De Séi huet eng Fläch vu ronn 130 ha, an e Faassungsverméige vu 26,4 Millioune m3.. D'Waasser aus dem Séi gëtt fir Drénkwaasser benotzt, an all Dag gi 75.000 m³ an d'Leitunge gepompelt. Dat kënnt an de Leitungssystem iwwer zwéi Waasserschächt déi ronn 76 Meter héich sinn. All Schacht huet 4 Waasserlächer déi op verschidden Niveaue verdeelt sinn.

De Séi gëtt gefiddert vun der Gileppe an hiren Nieweflëss Louba, Noir Ru, Gelonru a Ruisseau du Trou Malbrouk, an nach vun enger hallwer Dose Baachen ouni Numm. Fir ze garantéieren datt ëmmer genuch Waasser zur Verfügung steet, kritt d' Baach Soor eng Parti vun hirem Waasser ofgeknäppt, an dat gëtt duerch en Tunnel an de Séi geleet.

De Staudamm gouf tëscht 1867 an 1878 gebaut, an tëscht 1967 an 1971 ëm 16,24 Meter gehéicht.

Op der Kroun sëtzt e grousse stengene Léiw deen aus Lëtzebuerger Sandsteen aus dem Sauerdall sculptéiert ass. De Sculpteur war de Félix Bourré.

De Léiw weit 300 Tonnen, ass 13,5 Meter héich, an de Sockel huet eng Längt vu 16 Meter. E besteet aus 183 Bléck déi 1967 bei der Iwwerhéijung ausernee geholl goufen, an dunn erëm op der neier Kroun opgeriicht goufen.

D'Talspär an Zuelen[änneren | Quelltext änneren]

  • Éischte Bau:
    • Héicht: 51,76 m
    • Breet um Fouss: 66 m
    • Breet vun der Kroun: 15 m
    • Bauvolumen: 260 000 m3
  • No der Iwwerhéijung:
    • Héicht: 68 m
    • Breet um Fouss: 235 m
    • Breet vun der Kroun: 19 m
    • Längt op der Kroun: 365 m
    • Bauvolumen: 1 433 000 m3

Den Niveau um Fouss vun der Mauer ass op 244 Meter (ING Belsch), an d'Kroun op 305 Meter.

Chronologie vum Bau[änneren | Quelltext änneren]

Nieft dem Séi steet e 77,6 m héijen Tuerm, deem seng iewescht Säitewänn ganz aus Glas sinn, a vun deem aus een eng Panoramavue iwwer de Séi an den Hertogenwald huet. Op den Tuerm kënnt ee mat zwéi Liften deenen hir baussenzeg Wänn aus Glas sinn. Uewen am Tuerm gëtt et eng Cafeteria an eng Ausstellung iwwer de Staudamm an där e folgendes fanne kann:

  • Eng Serie vu Fotoen an Dokumenter iwwer den alen an den neie Staudamm
  • Informatiounen iwwer d'Antenn vum Donnerwiederdetektiounssystem SAFIR déi op der Spëtz vum Tuerm steet a vum IRM verwalt gëtt.
  • Eng Presentatioun vum Staudamm mat Computerënnerstëtzung.
  • Eng Ausstellung mat Wierker vu regionale Kënschtler.
  • Orientatiounstafelen.

Fir ze liesen[änneren | Quelltext änneren]

  • Ministère Wallon de l'Équipement et des Transports Le Barrage de la Gileppe (prospectus), Belgique .

Kuckt och[änneren | Quelltext änneren]

Um Spaweck[änneren | Quelltext änneren]

Commons: Gileppetalspär – Biller, Videoen oder Audiodateien