Geul (Floss)

D'Geul an der Griecht laanscht de Bëschhank De Dellen tëscht Geulhem a Meerssen

D'Geul ass e Floss an der Belsch an an Holland.

D'Geul entsteet aus dem Zesummefloss vun e puer klenge Baache bei der Eynatter Mühle tëscht Eynatten an Hauset op enger Héicht vun 250 Meter.

Si leeft vun do un no Weste laanscht Hergenrath a Kelmis bis op Krickelstein, wou vu lénks den Hohnbach draleeft.

Dann dréint se no Nordweste fir da fir d'éischt ënner dem Viaduc vu Moresnet erduerch ze lafen, an duerno duerch Moresnet selwer.

Tëscht Moresnet a Plombières leeft vu riets eng kleng Baach d'Soue dran, zu Plombières selwer vu lénks den Tunisbach, an direkt hannendru vu riets de Welschbach.

Nordwestlech vu Sippenaeken leeft se bei der Grenzmaark N° 10 an Holland eran.

Duerno leeft se weider laanscht Wittem, duerch Valkenburg aan de Geul, a Meerssen, fir nodeem s'an engem Siphon ënner dem Julianakanal erduercht ass, eng ronn 1.500 Meter nërdlech vun Itteren an d'Meuse ze lafen.

Déi verschidden Nimm

• (de): Die Göhl
• (fr): La Gueulle an och la Gueule
• (nl): De Geul an de Geut

Um Spaweck

Commons: Geul – Biller, Videoen oder Audiodateien