Guillaume Geefs
| Guillaume Geefs | |
|---|---|
.jpg) | |
| Gebuer | 10. September 1805 |
| Gestuerwen |
19. Januar 1883 Schaerbeek |
| Nationalitéit | Belsch |
| Educatioun | Royal Academy of Fine Arts |
| Aktivitéit | Sculpteur, Politiker, visuelle Kënschtler |
| Member vun | Académie des beaux-arts |
| Famill | |
| Geschwëster | Theodore Geefs |
 | |
De Guillaume Geefs, gebuer den 10. September 1805 zu Borgerhout, a gestuerwen den 19. Januar 1883 zu Schaerbeek, war e belsche Sculpteur a Politiker.
Hie gouf haaptsächlech bekannt wéinst de Monumenter déi e sculptéiert huet a Portraite vu Staatsmänner a soss national bekannte Leit. Hien huet och mythlogesch Theeme verschafft.
De Guillaume Geefs war den eelste vu sechs Bridder aus der Sculpteursfamill Geefs, vun deenen de Joseph Geefs an de Jean Geefs déi bekanntst sinn.
Hien huet e Studium op der Konschtakademie vun Antwerpen gemaach, wou hie beim Jan Frans van Geel an deem sengem Jong dem Jan Lodewijk van Geel geléiert huet. Duerno goung hien op Paräis op d'École des beaux-arts fir eng Léier beim Jean-Etienne Ramey ze maachen.
No enger Rees an Italien, am Joer 1829, koum hien zeréck op Antwerpen, wou hien ugefaangen huet Schoul op der Konschtakademie ze halen. 1836 huet hie sech mat der Isabelle Marie Françoise Corr bestuet.
Zu Schaarbeek war hie Buergermeeschter vun 1852 bis 1860, an e war vun 1853 bis 1856 am Provënzialrot. En huet zu Schaarbeek an der Rue des Palais N° 22-24 gewunnt.
1844 gouf hie Chevalier vun der Légion d'honneur genannt, an 1841 gouf en Officier an duerno 1859 Commandeur vum Ordre de Léopold.
Fir un hien z'erënnere gouf zu Schaarbeek eng Strooss no him benannt, d'Rue Geefs.[1]
Wierker
[änneren | Quelltext änneren]- Grafmonument vum Fréderic de Mérode an der Cathédrale Saints-Michel-et-Gudule zu Bréissel.
- Skultur vum Generol Belliard an der Rue Royale / Rue Barton Horta zu Bréissel.
- Victimes de la Révolution, en allegorescht Monument fir un d'Belsch Revolutioun z'erënneren.
- Skulpture vum Kinnek Léopold I. bei der Kongresskolonn zu Bréissel, eng zu Laken an eng déi haut an de Musées royaux des Beaux-Arts de Belgique ze gesinn ass.
- Treurende Adonis eng Skulptur am wäisse Marmer.
- Eng Statu vum Peter Paul Rubens op der Groenplaats zu Antwerpen, bei där een Aarm ka beweegt ginn.
- Statu vum André Grétry virun der Oper zu Léck
an der Kathedral Saint-Paul vu Léck.
- Patria op der Place ses Martyrs zu Bréissel.
- Le lion amoureux haut an de Musées royaux des Beaux-Arts de Belgique.
- Statu vum Louis-Joseph Seutin virum Spidol Saint-Pierre / Bordet zu Bréissel, um Eck vun der Rue des Faisans an der Rue aux Laines.
- D'Statu La sculpture virun der monumentaler Paart vun de Musées royaux des Beaux-Arts.
- Buste vum Auguste Orts am Geriicht zu Bréissel.
- Buste vum Hubert Dolez am Geriicht zu Bréissel
- Statu vum Théodore Verhaegen am Quartier Louise zu Bréissel
- Statu vum Ferdinand De Meeûs zu Ixelles vun där just de Sockel nach steet.
- Statu vum Joseph Lebeau zu Huy mat engem Piedestal vum Architekt Vierset-Godin.
- Le génie du mal an der Cathédrale Saint-Paul zu Léck
- Tacámbaro-Monument zu Audenarde
Referenzen
[Quelltext änneren]Um Spaweck
[änneren | Quelltext änneren]| Commons: Guillaume Geefs – Biller, Videoen oder Audiodateien |
