Gullfoss
De Gullfoss ("Gëllene Waasserfall") ass ee Waasserfall vum Floss Hvítá am Dall Haukadalur am Süde vun Island. De Floss Hvítá mécht d'Grenz tëscht de Gemengen Hrunamannahreppur a Bláskógabyggð.
De Gullfoss zielt, mam Þingvellir an de Geysiren an der Noperschaft, zu dem sougenannte Gëllene Krees vun de bekanntste kuckeswäerte Landschafte vun Island. An der Moyenne falen am Gullfoss 109 m³/s, am Summer eng 130 m³/s, Waasser erof. De maximal gemoossene Volume waren 2000 m³/s.
De Waasserfall besteet aus 2 Kaskaden wouvun déi eng 11 m an déi aner 21 m héich ass. Wéi een um zweete Bild gesäit lät déi ënnescht Kaskad bal am rechte Wénkel zu der ieweschter.
Datt et haut nach e Waasserfall do gëtt, ass der Sigríður Tómasdóttir an hirem Papp Tómas Tómasson ze verdanken, déi sech ëm 1920 dogéint gewiert hunn, datt do vun enger englescher Firma op där Plaz e Staudamm gebaut sollt ginn, fir Stroum ze produzéieren.
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Gullfoss – Biller, Videoen oder Audiodateien |
