Jacques Dasbourg
| Jacques Dasbourg | |
|---|---|
| Gebuer |
5. Juni 1879 Veianen |
| Gestuerwen |
25. Mee 1920 Réiden op der Atert |
| Nationalitéit | Lëtzebuerg |
| Aktivitéit | Moler |
 | |
De Jacques Dasbourg, gebuer de 5. Juni 1879 zu Veianen, a gestuerwen de 25. Mee 1920 zu Réiden op der Atert, war e lëtzebuergesche Moler.
Hien huet op der École supérieure des Arts décoratifs zu Stroossbuerg an der Münchener Konschtakademie studéiert. Hien huet sech ufanks zu München etabléiert a sech do als Freskemoler fir Kierchen en Numm gemaach.
Um Ufank vum Éischte Weltkrich ass de Jacques Dasbourg hannescht op Lëtzebuerg gaangen, wou e Konschterzéier an der Handwierkerschoul gouf.
Et gëtt en ettlech Portraiten a Landschaftsbiller vun him, am realistesche Stil.
Hien ass den Dafpätter vum Jacques Dasbourg (1906-1991) vu Veianen.[1]
Kuckt och
[änneren | Quelltext änneren]Referenzen an Notten
[Quelltext änneren]- ↑ Jacques Dasbourg (1906-1991) rétrospective.- Commission culturelle de Bissen, juin 1995