Joseph-Germain Strock

Joseph-Germain Strock
Gebuer	20. November 1865 Beefort
Gestuerwen	31. Dezember 1923 Lëtzebuerg
Nationalitéit	Lëtzebuerg
Aktivitéit	Moler
Member vun	Cercle artistique de Luxembourg

De Joseph-Germain Strock, gebuer den 20. November 1865 zu Beefort a gestuerwen den 31. Dezember 1923 an der Stad Lëtzebuerg, war e lëtzebuergesche Moler a Konschterzéier.

Zu sengem Wierk zielen Zeechnunge vun historesche Militäruniformen, Portraiten a Landschaften.

Säi Liewen

De Joseph-Germain Strock huet am Stater Kolléisch geléiert an ass duerno op Antwerpen op d'Académie royale des beaux-arts an op d'Académie Julian zu Paräis gaangen.

Hien huet 1903 seng Maîtrise de dessin gemaacht a war provisoresch Chargé de cours an der Industrieschoul bis en do 1905 eng Nominatioun als Zeecheprofesser krut.

De Joseph-Germain Strock war vun 1910 bis 1916 Sekretär vum Cercle artistique.

Vun 1912 bis 1917 war hie Chargé de cours am Stater Meedercherslycée.

Biller

• 
  Portrait de Françoise Doliwa
• 
  Portrait de Remy Van Dyck
• 
  Portrait femme âgée
• 
  Portrait de Chaterine Donven
• 
  Portrait de Joseph Knaff
• 
  Portrait de Nicolas Gonner

Literatur

• Regard sur deux siècles de création et d'éducation artistiques au Luxembourg, réalisé par l'Association des professeurs d'éducation artistique de l'enseignement secondaire et supérieur, S. 96, Imprimerie Saint-Paul, 1987, ISBN 2-87963-000-2

Auszeechnungen

• Prix Grand-Duc Adolphe (1908)
• Chevalier de l'Ordre de la couronne de chêne

Kuckt och

• Lëscht vu lëtzebuergesche Konschtschafenden

Um Spaweck

Commons: Joseph-Germain Strock – Biller, Videoen oder Audiodateien