Kapell Folkendeng

Kapell vu Folkendeng

Kapell vu Folkendeng (2014)

Uertschaft / Plaz

Folkendeng

Par

Mëllerdall
Saint-Michel

Dekanat

Zentrum

Numm / Patréiner

Hl. Mathias

Desakraliséiert

2020

Baujoer

1866/67

Koordinaten

49° 50’ 31.4’’ N
06° 12’ 06.3’’ O

Kierchen - Kapellen

D'Kapell zu Folkendeng war eng kathoulesch Kapell, déi zur Par Mëllerdall Saint-Michel, zum Dekanat Zentrum an zu der Gemeng Ärenzdall gehéiert huet. D'Kapell, déi dem Kierchefong gehéiert huet, gouf am Joer 2020 entweit.^[1]

De Patréiner vun der Kapell war den hellege Mathias, deem säi Fest de 24. Februar gefeiert gëtt.

D'Gebai steet op der Haaptstrooss, dem CR356B. De 5. Februar 2021 gouf s'als nationaalt Monument klasséiert.^[2]

Zu der fréierer Par Steeën huet ausser der Kapell vu Folkendeng och nach d'Parkierch vu Steeën gehéiert.

Geschicht

An engem Visitatiounsrapport vu 1738 gouf d'Kapell als Filialkierch vun Eppelduerf ernimmt. 1808 ass d'Kapell vun der Eppelduerfer Kierchefabréck an de Besëtz vun der Steeëner iwwergaangen. Déi Zäit war d'helleg Adelgundis nach Patréinesch vun der Kapell.

Déi haiteg Kapell staamt aus de Joren 1866/67, wou d'Kapell fir en Devis vu 4900 Frang nei gebaut gouf.^[3]