Kapell Weiler (Wëntger)

Kapell vu Weiler
Kapell vu Weiler (2014) Kapell vu Weiler (2014)
Uertschaft / Plaz	Weiler (Wëntger)
Par	Wëntger Sainte-Famille
Dekanat	Norden
Numm / Patréiner	Hl. Albinus
Konsekratioun	1721
Baujoer	zirka 1713-15
Koordinaten	50° 06’ 12.9’’ N       05° 56’ 43.7’’ O
Kierchen - Kapellen

D'Kapell zu Weiler bei Helzen ass eng kathoulesch Kapell, déi zur Par Wëntger Sainte-Famille, zum Dekanat Norden an zu der Gemeng Wëntger gehéiert.

De Patréiner vun der Kapell ass den hellegen Albinus, deem säi Fest den 1. Mäerz gefeiert gëtt.

D'Kapell steet op der Haaptstrooss, dem CR333, an ass un d'Gebai vun engem Haff ugebaut.

Geschicht

Den Haff vum Här Menschel gouf 1706 gebaut. D'Kapell gouf awer eréischt ëm 1713-15 un d'Haus ugebaut. D'Konsekratioun war 1721.

Bis de 7. Mee 2017 war et eng Kapell vun der Par Helzen, déi zum Parverband Ëlwen, Wäiswampech, Wëntger, zu der Pastoralregioun Norden an zum Dekanat Klierf gehéiert huet. Zur Par Helzen huet ausser der Kapell vu Weiler och nach d'Parkierch vun Helzen, d'Filialkierch vun Houfelt an d'Helzerklaus gehéiert.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kapell Weiler (Wëntger) – Biller, Videoen oder Audiodateien

• Websäit vun der Par Wëntger Sainte-Famille
• D'Fënstere vun der Kapell vu Weiler op der Websäit vun der Stiftung Forschungsstelle Glasmalerei des 20. Jh. e. V. (de)

D'Kapell an den Haff vun Nordoste gesinn