Kierch Elveng

Vu Wikipedia
Op d'Navigatioun wiesselen Op d'Siche wiesselen
Kierch vun Elveng
Parkierch vun Elveng (2013)
Parkierch vun Elveng (2013)
Uertschaft / Plaz Elveng
Par Dräilännereck Musel a Ganer
Saint-Nicolas
Dekanat Osten
Numm / Patréiner Hl. Johannes
Konsekratioun 1875
Architekt(en) Charles Arendt
Baujoer 1859
Koordinaten 49° 30’ 20.1’’ N
      06° 18’ 56.9’’ O
D'Elvenger Kierch vu bannen
D'Elvenger Kierch vu bannen
Kierchen - Kapellen
Chronogramm iwwer dem Agank

D'Kierch zu Elveng ass eng kathoulesch Kierch déi zur Par Dräilännereck Musel a Ganer Saint-Nicolas, zum Dekanat Osten an zu der Gemeng Schengen gehéiert.

De Patréiner vun der Kierch ass den hellege Johannes den Deefer, deem säi Fest de 24. Juni gefeiert gëtt.

Se steet zentral am alen Duerfkär op der Kräizung vum CR162 (Ellenger Strooss) mat dem CR150A (Éimerenger Strooss).

Den 30. September 2020 gouf se als nationaalt Monument klasséiert.[1]

Zur fréierer Par Elveng gehéiert ausser der Parkierch vun Elveng och nach d'Kapell vun Éimereng.

Geschicht[änneren | Quelltext änneren]

D'Kierch am neogotesche Baustil gouf 1859-60 no Pläng vum Architekt Charles Arendt op der selwechter Plaz gebaut wou virdru schonn eng Kapell stoung a vun där nëmmen nach de Sockel vum Tuerm iwwreg blouf. De Grondsteen gouf den 28. Abrëll 1859 geluecht an den 2. Juli 1875 gouf se vum Bëschof Nicolas Adames konsekréiert. Se huet Fënsteren a Wandmolereie vum Nicolas Brücher.

Klacken[änneren | Quelltext änneren]

D'Kierch huet zwou Klacken am Tuerm.

D'Klack Jang den Deefer am Toun Sol" ass 550 kg schwéier. Se gouf 1907[2] vun der Klackegéisserei F&A Causard vu Stroossbuerg gegoss.

D'Klack Blasius am Toun Do" ass 210 kg schwéier. Se gouf 1832 vun der Firma Père et Fils Perrin gegoss.

De Chronogramm[änneren | Quelltext änneren]

Iwwer dem Kiercheportal kann een dëse Chronogramm gesinn, deen d'Joer 1859 duerstellt:

BIS RENOVATA DOMVS
TIBI SIT SACRATA IOANNES
VT PHOENIX VIVAX NASCITVR
E CINERE

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Elveng – Biller, Videoen oder Audiodateien

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 20. Juli 2021).
  2. Géissersignatur op der Klack