Nicolas Brücher
| Nicolas Brücher | |
|---|---|
 Den Nicolas Brücher, Selbstportrait | |
| Gebuer |
29. Juli 1874 Elveng |
| Gestuerwen |
2. Juli 1957 Elveng |
| Aktivitéit | Moler |
 | |
Den Nicolas (oder Nikolaus) Brücher, gebuer den 29. Juli 1874 zu Elveng, an do gestuerwen den 2. Juli 1957, war e Lëtzebuerger Kierchemoler.
Seng Ausbildung als Kierchemoler krut de Brücher zu Kevelaer. Konscht huet hien um Institut Supérieur des Beaux-Arts zu Antwerpen studéiert. Hien huet zäitliewens am soug. 'Nazarenerstil' gemoolt.
Als Kierchemoler war hien ausser zu Lëtzebuerg och a Polen, bei ë. a. der Kathedral vu Plock an de Kierche vun Drzicim, Swornegace a Wiele, an a Russland aktiv.
E Katalog vu senge Wierker ass nach net ausgeschafft.
Lëtzebuergesch Kierchen an deenen de Brücher geschafft huet
[änneren | Quelltext änneren]- Chouer vun der Kierch zu Lëtzebuerg-Dummeldeng
- Kierch Elveng zu Elveng
- Chouer vun der Kierch an der Fiels
- Kapell zu Éimereng
- Kierch zu Léiweng
- Kierch vu Rëmeleng
- Kierch zu Ueschdref
- Kapell vun den Elisabetherinnen Lëtzebuerg
- Kierch zu Biermereng
- Kapell vun den Elisabetherinnen Mondorf
- Kierch Beefort vu Beefort, zerstéiert
- Kapell vun den Novizen an der Klierfer Abtei, zerstéiert
- Kapell vum Hl. Benedikt an der Klierfer Abtei, zerstéiert
- Chouer a Schëff an der Paterkierch zu Esch-Uelzecht (zerstéiert bei den Ëmbauaarbechte vun 1964 bis 1966)
- Kapell vun den Schwësteren Remerschen, zerstéiert
- Basilika Iechternach zu Iechternach, zerstéiert
- Kierch vun Elleng
- Kierch vu Welleschten
- Kierch vu Waldbëlleg
- Kierch vun Haler
Literatur zum Theema
[änneren | Quelltext änneren]- Malget, Jean: Die Maler der Mosel Nik Brücher, Nico Klopp und Joseph Sünnen im Licht ihrer Korrespondenz, J. Malget, Éilereng, 2006
- Jeck, Marc: Le divin, l'humain et l'art. Le peintre mosellan Nicolas Brücher est mort il y a 50 ans, le 2 juillet 1957 an "Die Warte" vum 28. Juni 2007 (S.1-2) Woubäi ze bemierken ass, datt den "Autoportrait vun 1909" net den Nicolas weist, mä säi Brudder.