Kowalsky (Film)

Kowalsky

Film
Produktiounsland	Lëtzebuerg
Produktiounsjoer	2022
Première	7. Mäerz 2022
Dauer	13 min
Faarf	Faarweg
Originalsprooch	Lëtzebuergesch
Ekipp
Regie	Émile V. Schlesser
Dréibuch	Émile V. Schlesser
Fotografie	Vitalijus Kiselius
Musek	Émile V. Schlesser
Schnëtt	Émile V. Schlesser
Dekoren	Audrey Dhyvert
Produzent	Fabien Colas
Produktiouns- gesellschaft	Kite Rock Pictures
Schauspiller
Josiane Peiffer als Mimi Kowalky Raoul Schlechter als Jean Kowalsky Nilton Martins als Usträicher Shayan Mehrafza als Usträicher Tatiana Santos als Eva Daniel Halici als Besuch Darlene Sanots als Besuch
Filmportal - Filmer no Joren - Film no Länner - Film no Genre

Kowalsky ass en tragikomesche Kuerzfilm vum Émile V. Schlesser aus dem Joer 2022, mam Raoul Schlechter a Josiane Peiffer an den Haaptrollen. D'Première war de 7. Mäerz 2022 um LuxFilmFest.

Synopsis

De Räichtum vun der Famill Kowalsky ass lues a lues um Zerfalen. Wéi de Jean, den eenzege Fils, seng Mamm, d'Wittfra Mimi, em finanziell Ënnerstëtzung biet, eskaléiert e battere Sträit, deen déi béid zu absurden Tricken an hannerhältegen Doten zwéngt.

Hannergrond

De Film gouf iwwer fënnef Deeg gedréint.

Kowalsky ass op enger Rei Filmfestivalle gelaf, dorënner um Internationale Filmfestival vu Cleveland, um Dances With Films zu Los Angeles, dem Albuquerque Film & Music Experience, dem britteschen Aesthetica Short Film Festival, dem Paräisser Festival européen du film indépendant, dem Festival International du Film de Nancy an dem Fimfestival vun der Stad Lëtzebuerg.

Kuckt och

• Lëscht vu lëtzebuergesche Filmer

Um Spaweck

• De Film kucke op Vidmeo