Lënster Lycée International School
 De Lënster Lycée am September 2020 | |
| (LLIS) | |
|---|---|
| Typ | ëffentlech Schoul, Secondairesschoul, Grondschoul |
| Regimm | Classique, General, Professionnel |
| Land | Lëtzebuerg |
| Uertschaft | Jonglënster |
| Leedung | Tom Nober |
| Schülerzuel | 1.237 |
| September 2022 | |
| Ënnersteet der/dem | Ministère fir Bildung, Kanner a Jugend |
| Gegrënnt | 2014 |
| Genannt no | Jonglënster |
| Koordinaten | 49°42'28,76"N, 6°15'0,04"O |
| Um Spaweck | https://llj.lu/ |
 | |
De Lënster Lycée International School, gekierzt LLIS, ass eng ëffentlech Schoul zu Lëtzebuerg, an der Gemeng Jonglënster.
De Lycée huet am Schouljoer 2014/15 seng éischt Rentrée gefeiert. E bitt Coursen aus dem Secondaire (Classique, General a Beruffsausbildung) un an offréiert zanter dem Schouljoer 2018/19 nieft sengem normalen, nationale Schoulprogramm, och den europäesche Schoulprogramm[1], dat mat däitsch-, franséisch- an engleschsproochege Sektiounen, an der Grondschoul wéi och am Secondaire[2]. D'Grondschoulklasse aus dem Europaschoulprogramm sinn an engem Provisorium nieft dem Lycée[3].
Geschicht
[änneren | Quelltext änneren]Den neie Lënster Lycée gouf den 13. August 2007 virgestallt; den 20. Abrëll 2012 gouf de Grondstee geluecht[4]. De 17. November 2014 gouf de Lycée offiziell a Presenz vun de Ministere François Bausch a Claude Meisch ageweit[5].
Dat éischt Joer si just Septièmes- an Dixièmes-Klasse virgesinn, 180 Schüler ginn erwaart. Dat Joer drop kommen da Sixièmen/Huitièmen an Onzièmen derbäi, asw. Et ass geplangt, eemol tëscht 1.300 a 1.400 Schüler ze hunn. De Schwéierpunkt ass Elektrotechnik, Informatik a Commerce[6].
D'Schoul ass vu méindes bis donneschdes vu moies 8 bis mëttes 4 Auer op, freides bis 12 Auer. Nomëttes bis 6, hallwer 7 ginn d'Schüler awer och, wann néideg betreit[6].
D'Schoul besteet aus 55 Klassesäll, 33 Spezialsäll a 5 Atelieren op enger Fläch vu 37.000 m². Dobäi kënnt nach déi komplementar Infrastruktur déi aus engem Restaurant, enger Cafeteria, engem Festsall, enger Sportshal an enger Schwämm besteet.
D'Schoul déi den 9. Juli 2013 den Numm „Lënster Lycée” krut[7], gouf am November 2020 op „Lënster Lycée International School” ëmgedeeft[8].
Direkteren
[änneren | Quelltext änneren]Kuckt och
[änneren | Quelltext änneren]Um Spaweck
[änneren | Quelltext änneren]| Commons: Lënster Lycée International School – Biller, Videoen oder Audiodateien |
Referenzen
[Quelltext änneren]- ↑ (fr)Projet de loi 8262 relative à la construction d’une Ecole européenne agréée à Junglinster, Exposé des motifs.. Lëtzebuerger Regierung (28. Juni 2023). Gekuckt de(n) 3. November 2024.
- ↑ LLIS - Schouloffer. LLIS. Gekuckt de(n) 3. November 2024.
- ↑ Michèle Gantenbein, Die neuen Bildungsangebote auf einen Blick am Luxemburger Wort vum 9. Dezember 2017, S. 3
- ↑ (fr)Pose de la première pierre du nouveau lycée de Junglinster. mmtp.gouvernement.lu (20.04.2012). Gekuckt de(n) 03.11.2024.
- ↑ Anne-Aymone Schmitz: Modern, bunt und lichtdurchflutet0, am Luxemburger Wort vum 18. November 2014, S. 26
- ↑ 6,0 6,1 "Am Hierscht geet zu Jonglënster en neie Lycée op." rtl.lu, 29.07.2014, 18:30:28.
- ↑ Règlement grand-ducal du 9 juillet 2013 portant dénomination du lycée à Junglinster. - Legilux. legilux.public.lu. Gekuckt de(n) 10.12.2020.
- ↑ Règlement grand-ducal du 30 novembre 2020 modifiant le règlement grand-ducal du 9 juillet 2013 portant dénomination du Lycée à Junglinster. - Legilux. legilux.public.lu. Gekuckt de(n) 10.12.2020.
- ↑ (en)Inauguration du Lënster Lycée. abp.gouvernement.lu (17.11.2014). Gekuckt de(n) 01.11.2024.
- ↑ Nominations dans: Courrier de l'Education Nationale (15.032018). Gekuckt de(n) 01.11.2024.