Loreen

Loreen
Gebuertsnumm	Lorine Zineb Nora Talhaoui
Gebuer	16. Oktober 1983
Nationalitéit	Schweden
Aktivitéit	Sängerin, Schauspillerin, Fernseemoderatorin, Synchronspriecherin

D'Lorine Zineb Nora Talhaoui, gebuer de 16. Oktober 1983 zu Stockholm, ass eng schweedesch Sängerin mat marokkanesch-berbereschen Originnen, déi ënner dem Kënschtlernumm Loreen optrëtt.

Biographie

Si ass d'Duechter vu marokkaneschen Elteren an ass zu Västerås a Südschweden opgewuess.

2004 ass si duerch hir Participatioun un der Castingshow Idol bekannt ginn, bei där si ënner dem Numm Lorén Talhaoui op déi véiert Plaz koum. No der Sendung huet si d'Lidd The Snake verëffentlecht. Si huet dunn als Fernseemoderatorin geschafft an et blouf roueg ëm si als Sängerin.

2011 huet si beim Melodifestivalen deelgeholl, der schweedescher Virentscheedung fir de Grand Prix Eurovision. Si huet et awer mat hirem Lidd My Heart Is Refusing Me net gepackt, an ass ausgescheet.

2012 huet si nach eng Kéier beim Melodifestivalen matgemaach a konnt sech mat hirem Lidd Euphoria fir d'Participatioun beim Eurovision Song Contest zu Baku duerchsetzen. An der zweeter Halleffinall vum Grand Prix huet si d'éischt Plaz gewonnen, an de 26. Mee 2012 an der Finall huet si dunn de Grand Prix fir Schwede mat 372 Punkte gewonnen.

2023 huet si nees beim Melodifestivalen matgemaach a konnt sech mat hirem Lidd Tattoo fir d'Participatioun beim Eurovision Song Contest zu Liverpool duerchsetzen. An der éischter Halleffinall huet si déi zweet Plaz gewonnen, an den 13. Mee 2023 an der Finall huet si dunn de Grand Prix fir Schwede mat 583 Punkte viru Finnland an Israel gewonnen.

Discographie

Singelen

• 2005: The Snake
• 2011: My Heart Is Refusing Me
• 2011: Sober
• 2012: Euphoria

Kuckt och

• Eurovision Song Contest

Um Spaweck

Commons: Loreen – Biller, Videoen oder Audiodateien

• Offiziell Websäit