Louis Braille

Vu Wikipedia
Zur Navigation springen Zur Suche springen
Louis Braille
Braille.jpg
Portrait vum Louis Braille
Gebuer 4. Januar 1809
Coupvray
Gestuerwen 6. Januar 1852
Paräis
Doudesursaach Tuberkulos
Nationalitéit Kinnekräich Frankräich
Aktivitéit Organist, Museker, Enseignant, Erfinder
Wikidata-logo-without-paddings.svg

De Louis Braille, gebuer de 4. Januar 1809 zu Coupvray, am Departement Seine-et-Marne, a gestuerwen de 6. Januar 1852 zu Paräis, war e franséische Blannen-Enseignant (Braille-Schrëft), dee selwer blann war.

Säi Papp war Saadler an de klenge Louis huet sech am Alter vun dräi Joer mat enger Éil un engem A blesséiert. Doropshi koum et zu enger Entzündung vun deem A, déi och dat anert A vereetert huet. De Bouf gouf blann a gouf 1819 vu sengen Elteren an de Paräisser Blanneninstitut bruecht, wou hien bis zu sengem Doud als Schoulmeeschter beschäftegt war. Scho mat 16 Joer gouf hien als Hëllefsschoulmeeschter agesat.

Wéi de Louis Braille vun der Noriichteniwermëttlung mat Hëllef vun erhéichte Pabeierpunkten, déi den Charles Barbier entwéckelt hat, héieren huet, huet hien dës Iddi weiderentwéckelt. 1825 ass schliisslech déi weltwäit akzeptéiert Blanneschrëft entstanen, déi ee mat de Fangerspëtzen kann taaschten. 1839 huet de Louis Braille och eng Nouteschrëft fir blann Leit erfonnt.

Um Spaweck[änneren | Quelltext änneren]

Commons: Braille – Biller, Videoen oder Audiodateien