Mathias Schiltz
|
Dësen Artikel iwwer en Auteur ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Mathias Schiltz | |
|---|---|
 | |
| Gebuer | 1. Mee 1933 |
| Nationalitéit | Lëtzebuerg |
| Aktivitéit | Schrëftsteller |
 | |
De Mathias Schiltz, gebuer den 1. Mee 1933, ass e lëtzebuergeschen Theolog. Hie war vun 1977 bis 2011 Generalvikar am Äerzbistum Lëtzebuerg.
Formatioun a Karriär
[änneren | Quelltext änneren]De Mathias Schiltz huet no der Primärschoul an der Stad säi Secondaire am Stater Kolléisch gemaach. Nom Premièresexamen (1952, Section latine B), ass en an de Séminaire vu Lëtzebuerg agetratt, an 1958 ass en zum Priister geweit ginn. Hie gouf Kaploun an der Kathedral a konnt do éischt Erfarungen am Beräich vun der Pastoral maachen. Dunn huet e säi Studium (Kiercherecht, Liturgie, Pastoraltheologie) um Institut catholique vu Paräis fortgesat, dat zu enger Zäit, wou den Zweete Vatikanesche Konzil schonn ugefaangen hat, a wou d'Kierch am Ëmbroch war. 1966 ass en als Licencié op Lëtzebuerg zeréckkomm a gouf Bistumssekretär a Responsabele fir d'Pastoralsekretariat.
Vun 1987 bis Februar 2012 war de Mathias Schiltz och President vum Verwaltungsrot vum Grupp Saint-Paul Luxembourg.[1]
Auszeechnungen
[änneren | Quelltext änneren]- Commandeur vum Ordre de la couronne de chêne (Promotioun 1999)[2]
Wierker
[änneren | Quelltext änneren]- Johannes Paul II. und Benedikt der XVI. - Kontinuität oder Wandel, 304 Säiten mat ville Biller, Paulinus-Verlag, ISBN 978-3-7902-0223-6
- Mein Konzil - Luxembourg: éd. Saint-Paul, 2006. - 44 S.: ill. ; 21 cm
Um Spaweck
[änneren | Quelltext änneren]- Säit vum Bistum mat der Zoustännegkeet vum Mathias Schiltz
- Interview mam Mathias Schiltz iwwer d'Cohésion sociale (Zesummenhank an der Gesellschaft)
Referenzen
[Quelltext änneren]- ↑ "Erny Gillen neuer Präsident des Verwaltungsrates." wort.lu, 07.02.2012, 17:41.
- ↑ Memorial B n° 58 vun 1999 mat der Lëscht vun de Leit déi 1999 eng national Auszeechnung kritt hunn Op der Säit 1149 vun deem Memorial steet 'Promotion 1999' wärend op der Säit 1150 'Promotion 1998' steet. 1999 ass wuel richteg wëll de Memorial op den 1. Dezember 1999 datéiert ass.