Saint-Paul Luxembourg

Vu Wikipedia
Op d'Navigatioun wiesselen Op d'Siche wiesselen
Saint-Paul Luxembourg S.A.[1]
Typ: Aktiegesellschaft
Sëtz: 2, rue Christophe Plantin
L-2988 Stad Lëtzebuerg
Flag of Luxembourg.svg Lëtzebuerg
Leedung: Paul Peckels (Generaldirekter)[2]
Branche: Medien
Produit: Zeitungen, Zäitschrëften,
Librairien, Bicher, Press,
Radiosenderen, online Medien
Um Spaweck: www.saint-paul.lu

Saint-Paul Luxembourg ass e Multimedia-Verlagshaus mat ugeschlossener Dréckerei zu Lëtzebuerg. Et ass 1887 als Sankt-Paulus-Verlag gegrënnt ginn[3][4].

Zu de bekannte Publikatiounen zielt d'Luxemburger Wort, déi eelst Dageszeitung zu Lëtzebuerg.

D'Kapital vu Saint-Paul gehéiert zanter dem 24. Abrëll 2020[5] dem belsche Mediegrupp Mediahuis NV[6][7][8].

Produkter[änneren | Quelltext änneren]

Zeitungen an Noriichteportaler[änneren | Quelltext änneren]

Nieft dem Luxemburger Wort gëtt Saint-Paul Luxembourg haut d'Wochenzeitung Contacto an d'Zäitschrëften Télécran, Decisão an Auto Moto eraus.

D'Editioun vun der Gratiszeitung Point24 (an dräi Sproochen) gouf Enn 2012 no fënnef Joer agestallt, déi vun der franséischsproocheg Dageszeitung Voix du Luxembourg ee Joer virdrun.

Online gehéiert Saint-Paul d'Websäit wort.lu op däitsch, franséischt a portugisesch[9] an dat engleschsproochegt Noriichteportal Luxembourg Times (luxtimes.lu).

Radio[änneren | Quelltext änneren]

Saint-Paul ass den Haaptbedreiwer vum portugiseschsproochege Radiosender Radio Latina. Dem Grupp säi fréiere Sender DNR huet den 31. Mäerz 2014 opgehale mat senden.

Internetsäiten[änneren | Quelltext änneren]

D'Annoncewebsäiten mystuff.lu (Verkaf vun Alldagsgéigestänn), jobfinder.lu (Jobportal) a wortimmo.lu (Immobilieportal) gehéieren och zum Grupp.

Librairien[änneren | Quelltext änneren]

Saint-Paul Luxembourg ass de Besëtzer vun der Bicherbuttekschaîne Libo, zu där an hire beschte Jore bis zu sechs Geschäfter gehéiert hunn. 2019 goufen et just nach eng Libo-Librairie zu Dikrech an eng zu Gréiwemaacher.

Dréckerei a Verlag[änneren | Quelltext änneren]

Zur Grupp gehéieren och eng Dréckerei, d'Imprimerie Saint-Paul, mam Reliuresatelier Reliure Saint-Paul. De Verlag Éditions Saint-Paul, dee vun Ufank u bestanen huet, huet op den 1. Januar 2020 seng Dieren zou gemaach[10].

Management[änneren | Quelltext änneren]

Gestioun[änneren | Quelltext änneren]

D'Mammenhaus vu Saint-Paul ass Lafayette SA, eng Gesellschaft déi 1937 gegrënnt gouf[11] an déi als Zil huet den ekonomesche Patrimoine vum Bistum ze geréieren. Am Abrëll 2020 gouf bekannt gemaach, datt d'Kapital vum belsche Mediegrupp Mediahuis vun Antwerpen iwwerholl géif[6][7].

Verwaltungsrot[änneren | Quelltext änneren]

De President vum Verwaltungsrot ass zanter dem 18. Mäerz 2019 de François Pauly[12].

Fréier Verwaltungsrotcheffe waren:

Generaldirekteren[änneren | Quelltext änneren]

Zënter dem 1. September 2013 ass de Paul Peckels de Generaldirekter vum Grupp[14].

Fréier Generaldirektere waren:

Literatur[änneren | Quelltext änneren]

  • Georges Hellinghausen: Weit über ein Jahrhundert Success Story, 125 Jahre "Saint-Paul Luxembourg, Vom Druckereibetrieb und Verlegerhaus zum Multimedia-Unternehmen, in: Luxemburger Wort, 14.02.2012, S. 4.

Um Spaweck[änneren | Quelltext änneren]

Referenzen[Quelltext änneren]

  1. Compte-Rendu vun der Generalversammlung vu Saint-Paul Luxembourg S.A. am Joer 2009; Mémorial C — N° 241, 4. Februar 2010
  2. Presentatioun vu Saint-Paul Luxembourg op paperjam.lu
  3. land.lu: Die Gegenwart unseres Volkes wiederum an dessen Vergangenheit anknüpfen (29. Juni 2018)
  4. Charles Jourdain: 100 Joër Sank Paulus Dréckerei 1887-1987 (Buch, gekuckt den 3. Juli 2019)
  5. Roland Arens, Eine neue Zeit, Leitartikel am Wort vum 28.4.2020
  6. 6,0 6,1 Mediahuis reprend le groupe Saint-Paul Luxembourg op wort.lu de 27. Abrëll 2020
  7. 7,0 7,1 De Multimedia-Grupp Mediahuis NV iwwerhëlt de Groupe Saint-Paul op rtl.lu de 27. Abrëll 2020
  8. Christoph Bumb, Warum das Bistum das "Wort" verkaufte, „Eine rein ökonomische Überlegung“, op reporter.lu, den 28. Abrëll 2020
  9. Déi portugisesch Editioun ass zwar ënnert wort.lu ze fannen, dréit awer de Logo vu Contacto.
  10. Wat sinn d'Defien no der Fermeture vun den Editions Saint-Paul? op rtl.lu de 17. Februar 2020
  11. ageschriwwen am Handelsregëster ënnert B3042; publizéiert am Memorial C Nr 20 den 12. Mäerz 1937
  12. wortl.lu: François Pauly nouveau président de Saint-Paul Luxembourg (18. Mäerz 2019)
  13. wort.lu: Ernennung: Luc Frieden wird Präsident von Saint-Paul Luxembourg (27. Januar 2016)
  14. lessentiel.lu: Nouvelle direction à la tête du groupe Saint-​​Paul (26. Juli 2013)