Saint-Paul Luxembourg

Vu Wikipedia
Op d'Navigatioun wiesselen Op d'Siche wiesselen
Saint-Paul Luxembourg S.A.[1]
Typ: Aktiëgesellschaft
Sëtz: 2, rue Christophe Plantin
L-2988 Stad Lëtzebuerg
Flag of Luxembourg.svg Lëtzebuerg
Leedung: Paul Peckels (Generaldirekter)[2]
Branche: Medien
Produit: Zeitungen, Zäitschrëften,
Librairieën, Bicher, Press,
Radiosenderen, online Medien
Um Spaweck: www.saint-paul.lu

Saint-Paul Luxembourg ass e Multimedia-Verlagshaus mat ugeschlossener Dréckerei zu Lëtzebuerg. Et ass 1848 als Sankt-Paulus Druckerei gegrënnt gi fir d'Luxemburger Wort für Wahrheit und Recht erauszeginn.

Do donieft gëtt Saint-Paul Luxembourg haut ë. a. d'Wochenzeitung Contacto, de Magazine Télécran an d'Zäitschrëft Decisão eraus. D'Editioun vun der Gratiszeitung point24 (an 3 Sproochen) gouf Enn 2012 agestallt, déi vun der Dageszeitung Voix du Luxembourg ee Joer virdrun. Saint-Paul ass weiderhin den Haaptbedreiwer vum Radiosender Radio Latina. De fréiere Sender DNR huet den 31. Mäerz 2014 opgehale mat senden. Zur Grupp gehéieren och eng Dréckerei, d'Imprimerie Saint-Paul mat Reliures-Atelier, e Verlag, d'Éditions Saint-Paul, d'Bicherbutteks-Chaîne Libo mat 6 Filialen doruechter an d'Websäite wort.lu, immonews.lu, autotrade.lu an jobsearch.lu.

Verwaltungsrot[änneren | Quelltext änneren]

De President vum Verwaltungsrot ass zanter dem 18. Mäerz 2019 de François Pauly, deen d'Plaz vum Luc Frieden iwwerholl huet[3]. De Luc Frieden, deen zanter Februar 2016 de President war[4], huet op säi Mandat verzicht, well hien den 1. Mäerz 2019 Member an der Assemblée plénière bei der Chambre de commerce ginn ass[3].

Vun 2012 bis 2016 hat den Erny Gillen déi Funktioun; virdru war dat e Véierelsjoerhonnert laang de Mathias Schiltz.

Redaktioun[änneren | Quelltext änneren]

De Chefredakter vum Luxemburger Wort ass zanter November 2013 de Jean-Lou Siweck.[5] Virdru war dat, ad interim de Paul Lenert,[6] a vun 2010 bis 2013 de Marc Glesener. Chefredakter vun der Websäit wort.lu ass de Fernand Morbach.

Direktioun[änneren | Quelltext änneren]

Generaldirekteren[änneren | Quelltext änneren]

Den Dréckerei-Direkter ass zanter Januar 2007 de Jean Vanolst. Den Egon Seywert ass Direkter fir d'Finanzen an de Jeannot Theis Direkter fir Technik an Informatik.

Litearatur[änneren | Quelltext änneren]

  • Georges Hellinghausen, Weit über ein Jahrhundert Success story, 125 Jahre "Saint-Paul Luxembourg", Vom Druckereibetrieb und Verlegerhaus zum Multimedia-Unternehmen, in: Luxemburger Wort, 14.02.2012, S. 4.

Um Spaweck[änneren | Quelltext änneren]

Referenzen[Quelltext änneren]

  1. Compte-Rendu vun der Generalversammlung vu Saint-Paul Luxembourg S.A. am Joer 2009; Mémorial C — N° 241, 4. Februar 2010
  2. Presentatioun vu Saint-Paul Luxembourg op paperjam.lu
  3. 3,0 3,1 François Pauly nouveau président de Saint-Paul Luxembourg op wort.lu den 18. Mäerz 2019
  4. "Luc Frieden wird Präsident von Saint-Paul Luxembourg." wort.lu, 27. Januar 2016 um 17:40/
  5. Reider "Expéeriences" vun der Fiche "Jean-Lou Siweck" op paperjam.lu.
  6. Wort.lu: Paul Lenert wird interimistisch Chefredakteur des "Luxemburger Wort"