Menhir vu Recken
 De Menhir zu Recken. Hannen am Bild: d'Eenelter Kapell. | |
| Typ | Menhir, archeologesch Plaz |
|---|---|
| Land | Lëtzebuerg |
| Gemeng | Miersch |
| Koordinaten | 49°45'33"N, 6°4'34"O |
| Epoch | 20. Joerhonnert v. Chr. (julianesch) |
| Héicht | 3 m |
| Duerchmiesser | 70 cm |
| Statut | Klasséiert Monument |
 | |
De Menhir vu Recken ass en anthropomorphe Menhir um Flouer Béisenerbbierg, bei der Uertschaft Recken an der Gemeng Miersch. Och wann en ettlech Menhiren an der Groussregioun ze fanne sinn, ass dee bei Recken den eenzegen, dee bis ewell zu Lëtzebuerg fonnt gouf.
En ass ronn 3 m héich, huet en Duerchmiesser vu 70 cm a weit eng 3½ bis 4 Tonnen. Duerch en héijen Eisegehalt huet en eng gielzeg-brongelzeg Faarf. E gëtt an d'Jongsteenzäit datéiert.[1]
E louch joerhonnertelaang an enger Wiss, bal ganz ënnert dem Buedem. 1978 gouf e vu Membere vun den “Amis du vieux Mersch” als Menhir identifizéiert an e puer Meter nieft der Fondplaz nees opgeriicht, fir méi spéit um urspréngleche Standuert Fuerschungen z'erméiglechen.[2]
Dës goufen dann och 2001 vum Staatsmusée gemaach, fir de Steen datéieren ze kënnen. Et gouf och e Moulage gemaach, fir eng Kopie ze maachen.
Den 2. Juni 2017 gouf en als nationaalt Monument op d'Lëscht vun de klasséierte Monumenter agedroen.[3]
Vun der Eenelter Kapell aus féiert e Pad bei de Menhir erop.
Literatur
[änneren | Quelltext änneren]- Foni Le Brun-Ricalens: Le menhir de Reckange-lès-Mersch - Le plus ancien "monument national", Die Warte Nr.9 vum 8. Mäerz 2018, S.6-7
- Paulke, Matthias, 2019: Archäologischer Rundgang durch Luxemburg. Luxemburg, S. 94-95.
Um Spaweck
[änneren | Quelltext änneren]- Eenelter oder die Macht der alten Steine S. 18-22
- "Ein Menhir in der Gemeinde Mersch". In: Administration communale de Mersch: Wegkreuze, steinerne Zeugen der Vergangnheit, S.37-33.
Referenzen
[Quelltext änneren]- ↑ Union Luxembourgeoise pour l'Histoire et le Patrimoine asbl (ed): Actualités historiques, Décembre 2011.
- ↑ François Valotteau: "Le menhir du Béisenerbierg à Reckange-lès-Mersch". In: Musée info 15/2002, S.22-23.
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 26. November 2024).