Mirjam

Mirjam
	D'Miriam op enger Glasfënster an der St.Giles Kathedral zu Edinburgh (Edward Burne-Jones1886)
Titel
Biographie
Gebuer	1400 v. Chr.; Aalt Egypten
Gestuerwen	1274 v. Chr.; Kadesch-Barnea
Papp	Amram
Mamm	Jochebed
Geschwëster	Moses, Aaron
Aktivitéit	Prophéit
Aner Informatiounen

D'Mirjam (och nach Miriam oder Myriam) ass an der Bibel eng Prophéitin an d'Schwëster vum Aaron a vum Moses.

Biblesch Geschicht

Well d'hebräescht Vollek wat an Egypten gelieft huet zu hirer ëmmer méi ginn ass, huet de Pharao den Uerder ginn, all neigebueren hebräesch Jongen am Nil z'erdränken. Dem Moses seng Mamm huet hien awer an e Kuerf, dee mat Pech waasserdicht gemaach gouf, geluecht an hien um Nil ausgesat. Dat huet d'Mirjam gesinn, an och wéi dem Pharao seng Duechter de Kuerf aus dem Nil fësche gelooss huet. Dunn ass si bei se gaangen an huet hir ugebueden eng hebräesch Fra ze sichen, déi de Bouf kéint nieren an huet dunn hir Mamm matbruecht. (2. Mose 2,1-9)

Méi spéit, wéi d'Israelitten aus Egypten ausgezu waren an dréchen duerch d'Lëtschmier komm sinn, iwwerdeems d'Egypter am Waasser erdronk sinn, hunn de Moses an och d'Mirjam, déi hei als Prophéitin bezeechent gëtt, den Härgott mat Gesang fir hir Rettung gelueft (2. Mose 15,20-21).

Wärend hirer Wanderung duerch d'Wüst ass et dacks zu Onzefriddenheeten ënner dem Vollek komm, an och d'Mirjam huet sech zesumme mam Aaron géint de Moses gestallt. Si hunn him éischtens virgeworf datt seng Fra Zippora schwaarz wär, a keng vun hinnen, an hunn a Fro gestallt, datt den Härgott eleng duerch de Moses schwätze kéint. Dat huet den Här héieren an huet d'Mirjam aussätzeg gemaach an hatt ass wärend siwen Deeg aus dem Vollek ausgeschloss ginn. (4. Mose 12,1-15)

Bedeitung

Den hebräeschen Numm Mirjam ass am Neien Testament zur laténgescher Form "Maria" ginn, den Numm dee verschidde Fraen haten, am bekanntsten d'Muttergottes, souwéi d'Maria Magdalena.

D'Bedeitung ass net ganz gekläert. Sou gëtt uginn: "Geschenk vu Gott", "Déi mat där ee frou ass" ((fr) bien-aimée), oder och nach "Battert", well de Moses zu Mara, enger Plaz an der Wüst, aus batterem Waasser mat Hëllef vun engem Bam Drénkwaasser gemaach huet. "Mara", "Mirjam" a "Maria" sollen enges sinn, well d'hebräesch Bibel keng Vokaler kennt.

"Mirjam" soll och de semiteschen Numm vun der Grousser Gëttin Mari sinn, der "fruchtbarer Mamm" an hirer Erscheinung als Miergëttin (och dohier: battert = salzegt Waasser).

Des Weidere wier d'Form "Mirjam" e Partizip vum hebräesche Verb "opstoen, erhiewen", géif also an deem Zesummenhank bedeiten: "déi Erhaben". Och d'Bedeitung "déi Ongezäämt" gëtt heiansdo ernimmt.

Varianten

Déi bekanntst Variante vum Numm sinn: Miri, Manon, Maria, Mariam, Marianne, Mariana, Marie, Marieke, Mariella, Marietta, Marion, Marisa, Marita, Mary, May, Maureen, Mieke, Mirja, Mirä, Miryam, Mirjam, Mirijam, Myriam, Mimi, Merit, Mariame, Meike, Matka, Miranda, Mia.

E puer bekannt Leit mam Numm Mirjam / Miriam

Marie Myriam, franséisch Sängerin
Miriam Hopkins, US-amerikanesch Schauspillerin
Miriam Krause, däitsch Schauspillerin
Miriam Makeba, südafrikanesch Musekerin
Mirjam vun Abellin, kathoulesch Séileg
Miriam Meckel, däitsch Politikerin a Kommunikatiounswëssenschaftlerin
Mirjam Pressler, däitsch Schrëftstellerin
Mirjam Schroth, däitsch Schauspillerin
Mirjam Weichselbraun, éisträichesch Fernseemoderatorin
Myriam Bédard, kanadesch Biathleetin
Myriam Cyr, kanadesch Schauspillerin
Myriam Casanova, Schwäizer Tennisspillerin
Myriam David, franséisch Schauspillerin
Myriam Moraly, franséisch Schauspillerin
Myriam Seco, spuenesch Archeologin
Myriam Seguy, franséische Mannequin

Namensdeeg

02. Februar Maria Liichtmëss (Liichtmëssdag)
15. August Maria Himmelfaart gëllt als Namensdag fir all déi Nimm déi vu Maria ofgeleet sinn.
26. August Mirjam
12. September Mariae Namen

Kuckt och

Um Spaweck

Commons: Mirjam – Biller, Videoen oder Audiodateien

D'Mirjam am ökumeenesche Lexikon vun den Hellegen (de)

Referenzen an Notten